La Universidá d’Uviéu anunciaba güei al traviés del so boletín diariu d’información “DUO”, la puesta en marcha d’un serviciu pa la consulta del archivu hestóricu de la entidá al traviés d’internet. Esti nuevu serviciu permite la consulta en catalán, gallegu, vascu y castellán, pero non n’asturianu.
Esti vienres, 22 de febreru, Inaciu Galán, presidente d’Iniciativa pol Asturianu, va dar una charra embaxo’l títulu:
“¿Por qué ye necesaria la oficialidá?”
Amás, va incluyise la proyección del interesante documental “La vida ensin oficialidá. Les consecuencies de la falta drechos...
La votación llevada alantre n’internet nes primeres selmanes del añu, dio como “Meyor Noticia del Añu pal asturianu 2015” al anunciu de que l’asturianu va ponese a prueba como llingua vehicular en delles asignatures nun programa pilotu que quier poner en marcha la Conseyería d’Educación y Cultura, con un 38,1% de los votos. L’ésitu d’El Quixote n’asturianu quedó en segundu llugar a menos d’un puntu.
El II Seminariu que va a abrir Santiago García Granda, rector de la Universidá d’Uviéu, tien programaes pa güei dos meses redondes, l’estrenu del documental “El valor económicu d’una llingua” y la ponencia de Leopoldo Tolivar Alas baxo’l títulu...
Iniciativa pol Asturianu tará presente esta fin de selmana nel Mercáu popular y tradicional de Noreña con un puestu informativu onde cuntaremos con diferentes materiales de la entidá.
L’eventu va cellebráse esti sábadu 6 y el domingu 7 d’abril y...
Nel mes de xunu munchos conceyales, y dellos diputaos y alcaldes, xuraron el cargu n’asturianu o en gallego-asturianu. Un xestu que celebramos y pol que los felicitamos. Agora, cuasi mediu añu dempués ye la hora la verdá, la hora d’analizar qué tán faciendo pola normalización del idioma nes sos respectives responsabilidaes. Y ye tamién el momentu de que los ciudadanos y ciudadanes reclamemos que los programes en política llingüística se lleven alantre.
La organización Iniciativa pol Asturianu foi convidada pol Conceyu de Xixón a participar nel Conseyu Asesor de la Llingua Asturiana con dos miembros, que nun reciben remuneración nenguna. L’órganu cunta con asociaciones, sindicatos, partíos y otres organizaciones presentes en Xixón p’asesorar al Conceyu na fechura de la política llingüística.
Iniciativa pol Asturianu felicitó estos díes al Real Institutu d'Estudios Asturianos (RIDEA) al traviés d'una carta al so director, Ramón Rodríguez, pola celebración del congresu «Manuel Menéndez y l’Asturies occidental mediu sieglu depués», que mira pa la llingua asturiana, como lo fizo l'IDEA n'otres etapes, y sobre manera porque lo fai usando con normalidá la llingua asturiana na cartelería del eventu, dalgo inédito na entidá.
Un convidáu mui célebre avérase al nuesu programa radio. Trátase del estudiosu de la tradición oral asturiana, el televisivu Xosé Antón Fernández, conocíu pol alcuñu d'Ambás, la so parroquia nel conceyu Grau.
Cangas del Narcea acueye estos díes la celebración de la Universidá Asturiana de Branu, una esperiencia formativa organizada pola Academia de la Llingua Asturiana, la Universidá d’Uviéu y el Conceyu de Cangas. Dientro d’estos cursos, Iniciativa pol Asturianu organiza delles actividaes. Una charra informativa sobre la organización, una folixa con con concursu de karaoke n’asturianu y la grabación con públicu del programa Iniciativa pol Asturianu nes ondes, tán ente lo programao pa estos díes en Cangas del Narcea.