El II Seminariu que va a abrir Santiago García Granda, rector de la Universidá d’Uviéu, tien programaes pa güei dos meses redondes, l’estrenu del documental “El valor económicu d’una llingua” y la ponencia de Leopoldo Tolivar Alas baxo’l títulu “L’asturianu nel marcu constitucional: ¿Por qué fai falta la oficialidá?”
UVIÉU, 17/05/2019. Inaciu Galán, presidente d’Iniciativa pol Asturianu, y Santiago García Granda, Rector de la Universidá d’Uviéu van facer l’apertura del II Seminariu “Oficialidá, el camín constitucional de futuru pal asturianu” qu’entama Iniciativa pol Asturianu esti vienres 17 de mayu y el sábado 18 de mayu nel Edificiu Hestóricu de la Universidá d’Uviéu.
El II Seminariu que va inaugurar Santiago García Granda, rector de la Universidá d’Uviéu, tien programaes pa güei dos meses redondes. La primera d’elles con representantes políticos de tolos partíos que cuntaron con responsabilidaes de gobiernu.
Dempués sedrá l’estrenu del documental “El valor económicu d’una llingua”, a mou de presentación de la mesa redonda con empresarios qu’usen l’asturianu.
La xornada de güei acabará cola ponencia de Leopoldo Tolivar Alas baxo’l títulu “L’asturianu nel marcu constitucional: ¿Por qué fai falta la oficialidá?”.
