La emisora uvieina Radio Qk incorpórase a la rede d'emisores qu'emiten el programa de radio de la organización Iniciativa pol Asturianu. Toles selmanes nel 107.3 Mhz de la FM n'Uviéu y la redolada va poder sentise esti espaciu radiofónicu onde se dan noticies, entrevistes y una montonera cosuques n'asturianu, embaxo la dirección de Samuel Gradín.
La llingua asturiana vive una situación de minorización y desprestixu que nun se corrixó entá. Esto fai que munchos falantes, más o menos inconscientes, abandonen l’usu del idioma frente a persones desconocíes, o simplemente fuera del ámbitu familiar o coloquial. Esta ye una situación que ye vezu nes llingües minorizaes y que tien de correxise, con midíes que normalicen la presencia del idioma en cualesquier ámbitu.
Yá ta disponible un mes más el boletín informativu dixital d'Iniciativa pol Asturianu con toles noticies y actividaes de la organización a la lo llargo del mes de xunu, y con anuncia d'actividaes pa los próximos díes.
El pasáu 11 de payares, Darío de Dios, miembru de la directiva d'Iniciativa pol Asturianu, aconceyó con Esther Castro, responsable del Serviciu de Normalización Llingüística nel Conceyu de Siero. La idega yera conocer de cerca'l trabayu y la situación d'esti SNL y buscar xeres nes que trabayar a comuña pola normalización de la nuesa llingua na sociedá asturiana, y n'especial nel conceyu de Siero.
XIXÓN, 25 DE MARZU DE 2020. Dende Iniciativa pol Asturianu queremos agabitar pa consiguir ente toes y toos ser quien parar la pandemia. Los cartelos recueyen les normes xenerales con dellos diseños pa facelos llegar a familiares, collacios y...
Más de 2.000 persones roblaron yá la petición colgada por Iniciativa pol Asturianu en Change.org pa pidir una rectificación na prohibición d'usar l'asturianu na Xunta Xeneral. Les declaraciones de Mercerdes Fernández, presidenta del PP d'Asturies, celebrando la prohibición del usu en fabor del castellán, amburaron les redes sociales estos díes, y les firmes siguen medrando.
La organización anima a la sociedá a participar na convocatoria pa crear lliteratura n’asturianu nestos momentos de tar en casa pol andanciu del coronavirus
La entidá pretende da-y una mayor presencia a la llingua asturiana nes redes sociales nestos momentos...
El sábadu 9 de mayu tuvo llugar una edición más del Festival Pallabra nel mundu nel salón d'actos del Centru Valey de Piedrasblancas, en Castrillón. Un festival internacional que se celebra al mesmu tiempu en numberoses ciudaes del mundu y nel que l'asturianu tien una importante presencia.
Iniciativa pol Asturianu reclama axilidá al Conceyu de Xixón pa retramitar un nuevu Plan de Normalización Llingüística depués de la sentencia del Tribunal Superior de Xusticia d’Asturies que confirma l’anulación de la norma de Xixón tres el recursu de...
La estaya mensual d'Iniciativa pol Asturianu del mes de xunu na revista Fusión Asturias recueye un artículu que recuerda los 40 años de manifestaciones pol asturianu que se cumplieron esti mesmu mes, asina como una noticia alredor de la manifestación pola oficialidá del Día de les Lletres 2016.