Iniciativa pol Asturianu acaba facer llegar a los asociaos y simpatizantes de la organización el quintu boletín informativu, que correspuende a l'actividá de la organización a lo llargo del mes de marzu. Agora, amás, ponemos a disposición de tolos interesaos los cinco boletinos unviaos hasta esti momentu.
Esti caberu sábadu, 24 de marzu, l’órganu direutivu aconceyóse pa tratar la evolución de les actividaes y decidir la llínia a siguir pal mes d’abril
La institución da’l so “incondicional y permanente sofitu y solidaridá” a la llingua d’Asturies y decide sumase a la campaña de defensa del asturianu, entamada pola nuestra organización
Iniciativa pol Asturianu participó nun conceyu con represenantes d’Andecha Astur esti xueves pasáu, 22 de marzu. Esti conceyu encuádrase dientro de la petición fecha pol colectivu a les 22 formaciones polítiques que se presenten a les elecciones autonómiques n'Asturies el proximu 25 de marzu. Amás de con AA, Iniciaitiva pol Asturianu aconceyó con Foru, Izquierda Xunida y Bloque por Asturies-UNA-LV.
Dellos representantes d'Iniciativa pol Asturianu participaron nun conceyu colos candidatos de Bloque por Asturies-UNA-Los Verdes, Rafael Palacios y Yolanda Huergo, esti xueves pasáu, 22 de marzu. Esti conceyu encuádrase dientro de la petición fecha pol colectivu a les 22 formaciones polítiques que se presenten a les elecciones autonómiques n'Asturies el proximu 25 de marzu. Pel momentu, Iniciativa pol Asturianu aconceyó, amás de con Bloque, con Foru, Izquierda Xunida y Andecha Astur.
Dellos representantes d'Iniciativa pol Asturianu participaron nun conceyu cola diputada d’Izquierda Xunida, Emilia Vázquez, esti martes pasáu, 20 de marzu. Esti conceyu encuádrase dientro de la petición fecha pol colectivu a les 22 formaciones polítiques que se presenten a les elecciones autonómiques n'Asturies el proximu 25 de marzu. Pel momentu, Iniciaitiva pol Asturianu aconceyó con Foru ya Izquierda Xunida.
Convócase la Xunta Direutiva al primer aconceyamientu mensual. La Xunta Direutiva sedrá abierta a tolos asociaos, como prometió la candidatura ganadora nel Congresu, col fin d'afalar la máxima tresparencia y participación. Nel tiempu d'entrugues y encamientos tolos asociaos qu'asina lo deseen podrán facer les sos intervenciones.
La organización Iniciativa pol Asturianu vien estudiando los programes de los toles formaciones polítiques que se presenten a les elecciones autonómiques del viniente domingu 25 de marzu y detecta que cada vegada ye mayor el consensu que xenera la llingua asturiana y la so normalización. L’espaciu dedicáu a la política llingüística ye cada vegada mayor y los compromisos más importantes. Namás un partíu, UPyD, espresa la so posición contraria a la oficialidá de forma esplícita nel programa, mientres que 6 de los 10 partíos más votaos na anterior convocatoria, lleven nel programa la oficialidá del asturianu.
L’asociación en defensa de la llingua asturiana fai pública la so páxina de Rellaciones Internacionales en Facebook y en Twitter
Dellos representantes d'Iniciativa pol Asturianu participaron nun conceyu colos responsables de Política Llingüística de la formación política Foru esti martes pasáu, 13 de marzu. Esti conceyu encuádrase dientro de la petición fecha pol colectivu a les 22 formaciones polítiques que se presenten a les elecciones autonómiques n'Asturies el proximu 25 de marzu. Pel momentu, namás Foru respondió a la petición de conceyu llanzada pol colectivu de reivindicación llingüística a les formaciones que van acudir a les urnes esti domingu viniente.