En dos cartes unviaes al alumnu de la Facultá de Profesoráu y Educación de la Universidá d'Uviéu que vivió un casu de discriminación llingüística per parte d'una funcionaria, llamentaron los fechos y nel casu del Decanu, esplicó la posición favorable pa col usu del asturianu de la so Facultá.
Los despachos de los diputaos asturianos nel Congresu de los Diputaos, en Madrid, sirvieron d’espaciu pa los conceyos celebraos con Inaciu Galán, presidente d'Iniciativa pol Asturianu esti martes pásau. Ente los temes trataos, la situación del asturianu cola nueva reforma educativa o l’usu de la toponimia oficial asturiana nes carreteres estatales, mostrando tolos diputaos bona disposición pa da participar de forma activa na busca de soluciones, yá fuera dende la oposición, casu de PSOE, Foru ya IX, o dende la so posición de partíu de gobiernu, nel casu del PP.
Iniciativa pol Asturianu critica l’ausencia del asturianu na rotulación esterior de la maquinaria nueva de llimpieza del Conceyu de Llangréu. L’equipu de gobiernu presentó a finales d’ochobre na Casa Conceyu les dos nueves cubes de riegu y baldéu adquiríes...
Inaciu Galán, presidente d'Iniciativa pol Asturianu, participó esti llunes 14 de marzu nel programa Noche tras noche, na RPA. Ellí comentó la campaña Decálogu Drechos Llingüísticos que la organización tien en marcha nes redes sociales hasta'l Día de les Lletres.
Güei nel nuesu programa afondamos con Inaciu Galán, Presidente d'Iniciativa pol Asturianu, na engarradiella que s'entamó coles consecuencies curriculares que va aportar l'aplicación de la nueva llei d'educación (LLOMCE) n'Asturies.
El pasáu vienres 30 de mayu celebróse nel salón d'actos del Centru Valey de Piedrasblancas, en Castrillón, una edición nueva del festival poéticu "Pallabra nel mundu" nel que collabora Iniciativa pol Asturianu per segundu añu consecutivu. Esti ye un festival que se celebra al mesmu tiempu en numberoses ciudaes del mundu y que tien a la paz como lema d'esti añu.
La organización Iniciativa pol Asturianu, al traviés de la so Vocalía d'Enseñu, ta acabante poner en marcha una campaña pa facer medrar la matriculación na asignatura d'asturianu nes escueles ya institutos d'Asturies, onde la demanda ye mui alta per parte de les families y alumnos, pero onde tovía apaecen importantes torgues pa matriculase na asignatura, con incumplimiento de la llexislación en dalgunes ocasiones. La campaña busca implicar al profesoráu d'asturianu con un folletu con un diseñu en blancu y negru que pueden imprentar ellos mesmos a baxu costu y según el volume d'alumnos del centru nel que trabayen.
Iniciativa pol Asturianu celebró'l 25 de marzu la entrega de premios de la primer edición del Concursu de micropoesía "Cola poesía na llingua" (#PoesíaLlingua) qu’entamó pa celebrar en Twitter el Día Internacional de la Poesía. Amás, esti actu sirvió pa celebrar la entrega de diplomes de los VI Cursos d’Asturianu en Xixón, cuntando con delles actuaciones musicales y la presencia del vicepresidente de l’Academia de la Llingua Asturiana, ente otros representantes de les entidaes participantes nes actividaes de la organización.
Dientro del programa de cursos d'Iniciativa pol Asturianu pa los meses de la seronda y l'iviernu, nel que s'inclúin cursos en dellos conceyos y a distancia, la entidá organiza esti añu un cursu elemental de llingua asturiana na parroquia maliayesa de Quintes en collaboración cola S.C.R. Clarín.
Iniciativa pol Asturianu participa nuna charra-alderique organizada pol Atenéu N'Alfoz n'Avilés, esti xueves 4 d'abril, de magar les ocho la tarde. Na mesatarán represenantes de la Xunta pola Defensa de la Llingua Asturiana, Reciella 'Families pol Asturianu", l'Asamblea de Docentes d'Asturianu y el xestor cultural Adolfo Camilo Díaz.