Iniciativa pol Asturianu quier celebrar el Día del Llibru y la Selmana de les Lletres Asturianes colos sos socios. Por ello tolos que se faigan socios dende'l 23 d'abril, Día del Llibru y hasta'l 3 de mayu, Día de les Lletres Asturianes, van recibir un llibru n'asturianu de regalu nel casu de los socios simpatizantes y trés llibros pa lls socios miembru. Amás, coinciendo col Día del Llibru Asturianu, el 3 de mayu, vamos sortear un llote de llibros y revistes n'asturianu ente los nuesos socios.
La emisora uvieina Radio Qk incorpórase a la rede d'emisores qu'emiten el programa de radio de la organización Iniciativa pol Asturianu. Toles selmanes nel 107.3 Mhz de la FM n'Uviéu y la redolada va poder sentise esti espaciu radiofónicu onde se dan noticies, entrevistes y una montonera cosuques n'asturianu, embaxo la dirección de Samuel Gradín.
Dende’l nacimientu d’Iniciativa pol Asturianu tenémoslo mui claro, la presencia de la organización nes cais ye imprescindible nel trabayu a favor del idioma. Los asturianos viven tovía con munchu desconocimientu la situación llingüística del país. Les aliministraciones encargáronse con muncha eficacia de torga-yos l’accesu a la información sobre la so llingua, sobre la situación que vive y sobre les soluciones. Y en munchos casos encargóse d’introducir prexuicios y falses idees na sociedá.
El programa radio d'Inicitiva pol Asturianu, dirixíu por Samuel Gradín pasa a ser selmana col envís de tar más apegáu al día tres día de les custiones que cinquen a la nuesa llingua. Asina, de magar esti mes, va ufrir a los oyentes de les emisores que collaboren cola organización y los siguiores de les nueses redes sociales, un programa selmanal de trenta minutos onde van podese sentir toles entrevistes, noticies, anuncies, etc que surdan al rodiu l'asturianu.
El llunes pasáu, 15 d’abril, nel Centru de Recursos del Conseyu de la Mocedá del Principáu d’Asturies, celebróse'l pieslle y la entrega de diplomes del I Cursu d'Asturianu n’Uviéu, qu'organiza Iniciativa pol Asturianu col encontu de l'Academia de la Llingua Asturiana (ALLA).
Güei, llunes 15 d'abil va facese'l piesllu y entrega de diplomes de la primer edición de Cursu d'asturianu d'Iniciativa pol Asturianu n'Uviéu. El llar del Conseyu de la Mocedá del Principáu d'Asturies va acoyer l'actu que cuntará cola participación d'un representante de l'Academia de la Llingua Asturiana, institución cola que se coorganiza esti cursu.
La rede d'emisores qu'ufren a los sos oyentes el programa Iniciativa pol Asturianu nes ondes sigue medrando. Nestos díes súmense Onda Corvera (107.5 FM) y Onda Peñes (107.7 - 104.4 FM), llider nos conceyos de Carreño y Gozón. Con estes son once les emisores que lleven la voz de la organización y les noticies de la llingua asturiana per tol país.
El presidente d’Iniciativa pol Asturianu, Inaciu Galán, entregó'l pasáu mes de febreru una carta na sede del Ministeriu d'Educación en Madrid. El Ministru Wert unvia agora una carta a la organización asturiana na que confirma que cola disposición adicional trixésima octava de la cabera versión del antreproyectu de la LOMCE, la conocida como “Llei Wert”, la situación de la llingua asturiana nos centros educativos queda en manes del Gobiernu d’Asturies:
La Xunta Direutiva d'Iniciativa pol Asturianu va aconceyar esti vienres en Xixón de forma ordinaria. Nel conceyu trataránse asuntos de la organización, talos como'l calendariu d'actividaes o la xestión de distintes campañes y estayes de la mesma. L'orde del día llegará a los socios per corréu lletrónicu.
L'Atenéu Obreru de Xixón foi l'espaciu escoyíu por Iniciativa pol Asturinau y Ástura pa celebrar l'Homenaxe a Pachín de Melás nel so 75 cabudañu. Col salón d'actos del Atenéu enllenu, recordóse la figura d'esti escritor en llingua asturiana nun actu presentáu por Inaciu Galán y nel que participaron Xuan Pandiella, d'Ástura, y persones del mundu la cultura como Sabel Tuñón, Monchu Iglesias, Javier Cubero o Xelu Neira, de la Tertulia Pachín de Melás.