Dellos representantes d'Iniciativa pol Asturianu participaron nun conceyu colos responsables de Política Llingüística de la formación política Foru esti martes pasáu, 13 de marzu. Esti conceyu encuádrase dientro de la petición fecha pol colectivu a les 22 formaciones polítiques que se presenten a les elecciones autonómiques n'Asturies el proximu 25 de marzu. Pel momentu, namás Foru respondió a la petición de conceyu llanzada pol colectivu de reivindicación llingüística a les formaciones que van acudir a les urnes esti domingu viniente.
Iniciativa pol Asturianu acaba de facer llegar a toles formaciones polítiques que se presenten a les elecciones a la Xunta Xeneral, una carta na que-yos soliciten l’usu del asturianu na campaña electoral viniente, de cara a les elecciones del 25 de marzu. Na carta la organización esplica a los partíos la necesidá de da-y presencia pública al asturianu dende l’ámbitu políticu, yá que nun se puede dar la espalda al idioma del pueblu al que se quier llevar a les urnes.
Iniciativa pol Asturianu entama a funcionar a finales de 2011, pero pesie a ello yá cuenta con un llabor importante fechu a lo llargo de los caberos meses d'esi añu. Nesti informe recuéyese lo fecho hasta'l 31 d'avientu de 2011.
Itziar Montes y Vítor Suárez falen del funcionamientu d'Iniciativa pol Asturianu na Gala de presentación celebrada'l 17 d'avientu de 2011 n'Uviéu.
Denis Soria Fernández, tomó la pallabra na presentación pública d'Iniciativa pol Asturianu, na que participó xunto a Xandru González y Xuan Pandiella, como representación de la mocedá d'Asturies.
Iniciativa pol Asturianu celebró na tarde de güei, sábadu 25 de febreru, el so primer Congresu nel Auditoriu d’Uviéu. La votación de los socios dio como ganadora a la candidatura encabezada pol periodista Inaciu Galán (Xixón, 1986), que llevaba como vicepresidente al estudiante de maxisteriu y activista llingüísticu Vítor Suárez (Uviéu, 1988), xunto a ellos el tamién periodista Rubén Martín-Llames (Xixón, 1976) como secretariu y la profesora Ana María Viesca Iglesias (Piloña, 1959) como ayalguera.
Dende Iniciativa pol Asturianu queremos denunciar un nuevu pasu p'atrás nel usu del asturianu por parte del conceyu d'Uviéu. Esta vegada, trátase de la programación de fuelgu xuvenil "La nueche ye tuya" que facía un usu billingüe del asturianu y del castellanu, mesmu na denomación que nes feches de toles actividaes. L'añu anterior, amenorgóse la presencia del idioma asturianu, emplegándolu namái na denomación y, esti añu desapaez dafechu, amosando en tola cartelería y publicidá únicamente: "La noche es tuya"
Convócase a tolos socios-miembru d'Iniciativa pol Asturianu a la Xunta Xeneral estraordinaria del próximu 25 de febreru a les 17:00 hores nel Auditoriu d'Uviéu. L'oxetivu d'esta Xunta Xeneral ye la escoyeta d'una Xunta Direutiva pa l'asociación, amás d'otres cuestiones de funcionamientu.
El Comercio espublizó esti sábadu pasáu una entrevista con Vítor Suárez, miembru de la Xunta Promotora d'Iniciativa pol Asturianu nel qu'esplicó'l llabor fechu hasta'l momentu y los planes de futuru de la organización, qu'esti sábadu que vien 25 de febreru, celebra'l so primer Congresu col envís d'escoyer Xunta Direutiva y marcar les llínies de trabayu de los meses vinientes. Ufrimos la entrevista completa.
La organización considera que’l retayu d’un 40% a los presupuestos de l’Academia de la Llingua Asturiana (ALLA) ye un ataque al idioma asturianu, nun contestu mui difícil pa la llingua d’Asturies, y teniendo en cuenta que l’ALLA ye una institución siempres austera y que yá hasta agora cuntaba con namás los fondos imprescindibles pal desenrrollu del so llabor. L’asociación aprovecha pa recordar que la máxima institución llingüística asturiana sigue ensin recibir fondos del Gobiernu central, como'l restu de les academies de llingües.

SÍGUINOS

7,910SiguidoresPréstame
1,499SiguidoresSiguir
6,074SiguidoresSiguir
300soscriptoresSoscríbite

Últimes noticies