El presidente de la Fundación Almastur, Carlos Rubiera, presenta la Xira pola Oficialidá. Una movilización cívica qu’entamen de forma conxunta d’Iniciativa pol Asturianu y la Fundación Almastur. Dambes organizaciones roblaron en febreru de 2023 un conveniu de collaboración pa trabayar conxuntamente n’actividaes rellacionaes cola llingua y la cultura asturiana. La Xira pola Oficialidá ye una actividá itinerante que nació col enfotu de percorrer los 78 conceyos asturianos pa involucrar a tola ciudadanía na defensa del drechu a la oficialidá. Bimenes foi el conceyu escoyíu pa la primer parada de la Xira pola Oficialidá, por ser ésti un conceyu hestóricu na defensa del idioma. Depués llegaron otros, con actividaes en Samartín del Rei Aurelio y Villaviciosa, ente otros.
La Xira pola Oficialidá lleva a cada conceyu una selmana d’actividaes qu’inclúin una esposición de bibliografía del idioma con testos normativos y una muestra representativa de la lliteratura de la llingua, amás de charres, proyecciones y diferentes actos reivindicativos. La Xira ye posible gracies a la collaboración de la Conseyería de Política Llingüísta, conceyos, centros educativos, asociaciones culturales, entidaes xuveniles y al movimientu vecinal.
![Presentación del Archivu de la Represión Llingüística d'Asturies [ARLAS]](https://iniciativapolasturianu.org/wp-content/uploads/2025/04/presentacion-arlas-218x150.jpeg "Presentación del Archivu de la Represión Llingüistica del asturianu [ARLAS]")