Silvia Cebolla: ser influencer y presentadora nuna llingua non oficial

Charra de la influencer y presentadora Silvia Cebolla nel IV Seminariu ‘Oficialidá: el camín constitucional de futuru pal asturianu’. La divulgadora zaragonza ufrió una conferencia titulada ‘Ser influencer y presentadora nuna llingua non oficial. Esperiencies positives dende los medios y les redes sociales na normalización del aragonés’. L’alcuentru, que llevó’l sotítulu de ‘Entrín y non. Normalizar enantes de la oficialidá’, celebróse los díes 15 y 16 de marzu de 2025 nel Edificiu Históricu de la Universidá d’Uviéu. Amás de la conferencia de Cebolla, el programa cuntó con conferencies, meses de diálogu y la estrena d’un nuevu documental qu’afonda nes consecuencia d’aplicar les nueves tecnoloxíes y la intelixencia artificial a la llingua asturiana.

Silvia Cebolla (Zaragonza, 1985) ye llicenciada en Derechu con un máster en rellaciones de xéneru. Destaca pol so llabor na divulgación del aragonés, llingua qu’entamó a estudiar a los 18 años na escuela Nogará. La so trayeutoria na comunicación empecipió cola creación d’una canal de Youtube llamada ‘A Escuchetes’. La canal, dedicada a la cocina vexetariana, trescendió l’audiencia de la clase y de la llingua aragonesa, superando’l millar de siguidores. L’ésitu nes redes sociales valió-y pa convertise en presentadora de ‘Charrín Charrán’, el primer programa de televisión n’aragonés, que taría n’emisión ente 2019 y 2022 con bona acoyida ente l’audiencia de la canal autonómica.