Yá pue sentise'l quintu programa de radio "Iniciativa pol Asturianu nes ondes", col que se difunden les actividaes de la organización y onde cada mes pueden sentise entrevistes con miembros d'Iniciativa pol Asturianu y persones d'otros colectivos pa conocer y aldericar alredor del asturianu y la so situación. Nesta ocasión, Samuel Gradín, director del programa, entrevista a María Díaz Suárez, maestra d'asturianu y Vocal d'Enseñu d'Iniciativa pol Asturianu.
Carlos Barros, ex-direutor de Radio Parpayuela en Mieres esplica como pesllaron la emisora "pola falta sofitu de toles alministraciones", dientro d'una nueva edición del programa Iniciativa pol Asturianu nes ondes, con Samuel Gradín.
Parte del equipu d'Alderiques d'Asturies ya Iniciativa pol Asturianu nes ondes tuvo nes aules de los VI Cursos d'Asturianu en Xixón pa esplicar el so proyectu y facer partícipes a los alumnos y alumnes de los cursos d'asturianu.
Nesti nuevu programa d'Iniciativa pol Asturianu nes Ondes falamos con Fernando Padilla, mayestru que vivió'l procesu de camudamientu del nome al asturianu nel colexu "Cabu Peñes". Presentóse n'Avilés el nuevu trabayu discográficu del grupu Dixebra, "Tiempos Modernos", al rematar el conciertu atendiónos el so cantante Xune Elipe.
Xicu Ariza fala nesta entrega nueva d'Iniciativa pol Asturianu del nuevu proyeutu cultural Ixuxú Asturies-Euskal Herria Elkartea, nel que participa Iniciativa pol Asturianu ufriendo una charra informativa sobre la situación del asturianu a los centros culturales vascos, de cara a dar a conocer fuera d'Asturies la situación de la nuesa llingua en comparanza cola del vascu.
Iniciativa pol Asturianu abre una nueva edición de cursos en dellos conceyos y a distancia. Los cursos duren 36 hores y cunten con un diploma d'aprovechamientu otorgáu pola Academia de la Llingua Asturiana pa l'alumnáu que supere'l cursu. Con dos niveles, dependiendo del conceyu, estos cursos van entamar el 7 de marzu y van durar hasta'l mes de mayu, dependiendo de los díes festivos de cada conceyu y de les circunstancies de cada cursu.
Iniciativa pol Asturianu nes ondes llega con un nuevu programa nel que falamos del llibru “¡Hablad en cristiano! Procesos de nacionalización llingüística na construcción de los estaos-nación”. El so autor ye l’historiador xixonés Pablo Rodríguez Alonso que mos atiende al traviés de la llinia telefónica.
Iniciativa pol Asturianu nes ondes pon en marcha sección nueva col periodista Damián Barreiro, especialista en tv y con un garapiellu llibros espublizaos al respeutive. Ufrirános toles selmanes una nueva seición áu treslladaremos un mediu tan importante como ye la televisión a la radio, afondando en series, películes, etc que se podríen usar pa normalizar el nuesu idioma.
Yá ta disponible'l cuartu programa de radio "Iniciativa pol Asturianu nes ondes", mediu de difusión de les actividaes de la organización onde cada mes pueden sentise entrevistes con miembros d'Iniciativa pol Asturianu y persones d'otros colectivos pa conocer y aldericar alredor del asturianu y la so situación. Nesta ocasión, Samuel Gradín, director del programa, entrevista a Penelope Miranda, del Serviciu de Normalización Llingüística de L.lena, y Arancha Prado, del SNL de la Mancomunidá del Cabu Peñes.
La Universidá Asturiana de Branu (UABRA) llega un añu más a Cangas del Narcea de la mano de l'Academia de la Llingua Asturiana, la Universidá d’Uviéu y el Conceyu de Cangas. Dientro d’estos cursos, Iniciativa pol Asturianu organiza un añu más delles actividaes. A lo llargo d'estos díes la organización va poner un puestu informativu con venta de llibros y otros productos nes instalaciones de la Universidá. Amás, van celebrase delles folixes, una col segundu concursu de karaoke n'asturianu, y otra con Dj Lluis y el micro abiertu a la participación d'escritores. Estos díes va facese amás la grabación con públicu del programa Iniciativa pol Asturianu nes ondes, cola participación d'alumnos y profesores.