Esti domingu 30 de marzu a partir de les 19:30 hores, el CMI El Llano, asitiáu na cai Ríu d'Oru, númberu 37, va acoyer la entrega de los premios del
Alejandra Sirvent (Pravia, 1980) ye la ganadora de la estaya d'asturianu del concursu lliterariu de l'asociación Abierto hasta el Amanecer, col que collaboró Iniciativa pol Asturianu y la revista Formientu. El rellatu ganador titúlase "Solombres".
La ganadora del premiu na estaya d'asturianu va ver vista la so obra asoleyada na revista Formientu, amás d'un lloter de llibros, y un llote de revistes Formientu, que tamién va recibir el ganador por una obra en castellán.
El concursu lliterariu ¿Qué cuentes...? tuvo por ganador de la estaya de castellán a José Manuel Romero Santos.
Información y testos ganadores na páxina d'AHA
Alejandra Sirvent (Pravia, 1980) ye la ganadora de la estaya d'asturianu del concursu lliterariu de l'asociación Abierto hasta el Amanecer, col que collaboró Iniciativa pol Asturianu y la revista Formientu. El rellatu ganador titúlase "Solombres".
La Facultá de Formación del Profesoráu y Educación de la Universidá d'Uviéu celebró'l pasáu 25 de marzu la xornada "La situación de la llingua asturiana nel sistema educativu n'Asturies". Iniciativa pol Asturianu collaboró cola so celebración y participó con un charra sobre la situación del asturianu na Universidá d'Uviéu.
El presidentre d'Iniciativa pol Asturianu, Inaciu Galán dio una conferencia na Universidá d'Oxford, el pasáu 20 de marzu, y dientro del marcu del XVI Forum for Iberian Studies. Embaxo'l títulu "L'asturianu: l'anomalía d'una llingua non oficial nun estáu plurillingüe", Galán esplicó l'anómala situación llegal del asturianu, solo compartida col aragonés nel estáu español, como llingua ensin reconocimientu d'oficialidá dientro del marcu d'un estáu con otres llingües oficiales.
La Facultá de Formación del Profesoráu y Educación de la Universidá d'Uviéu va acoyer el martes 25 de marzu, a lo llargo de tol día, una xornada embaxo'l títulu "La situación de la llingua asturiana nel sistema educativu n'Asturies". Iniciativa pol Asturianu collabora con esti actu dirixíu al públicu en xeneral y n'especial a profesoráu del sistema educativu asturianu, pudiendo inscribise pa recibir un certificáu d'asistencia.
Esta selmana nel nuesu programa colamos d'Asturies y falamos col profesor Juan Carlos Moreno Cabrera que ye doctor en Filosofía y Lletres pola Universidá Autónoma de Madrid y, dende 1993, caderalgu de Llingüística Xeneral na Universidá Autónoma de Madrid. Ye célebre poles sos espublizaciones y conferencies onde amuesa una opinión percrítica col tratamientu que se-y da a toles llingües del estáu español, nun siendo'l castellán, per parte de les instituciones polítiques y académiques.
El presidentre d'Iniciativa pol Asturianu, Inaciu Galán, periodista y escritor, va dar una conferencia na Universidá d'Oxford, n'Inglaterra, el próximu xueves 20 de marzu, y dientro del marcu del XVI Forum for Iberian Studies. Embaxo'l títulu "L'asturianu: l'anomalía d'una llingua non oficial nun estáu plurillingüe", Galán va esplicar a los presentes la situación llegal del asturianu, como llingua ensin reconocimientu del estatus d'oficialidá.
Yá pue sentise un nuevu programa d'Iniciativa pol Asturianu nes Ondes. El Conceyu d'Estorga, en Lleón, y l'Asociación Cultural Faceira entregaron los gallardones del so primer Certame Lliterariu Astúrica, un premiu de rellatu y poesía qu'organicen dende les tierres llioneses con intención d'aportar a tol dominiu llingüísticu dende Asturies a Miranda del Douro. Ente los cinco ganadores d'esta primer edición, hai trés mozos y moces asturianes, Inaciu Galán, Naomi Suárez ya Irma González-Quevedo. P’afondar na conocencia d’esta entidá dedicada al estudiu, divulgación y protección del patrimoniu cultural, históricu y llingüísticu de Llión, tamos en contautu al traviés de la llínea telefónica con Ricardo Chao, secretariu de Faceira.
Como ye vezu y compromisu de l'actual Direutiva, abrimos el próximu aconceyamientu a l'asistencia y participación de tolos asociaos. Sedrá'l sábadu 15 de marzu a les 18 hores na Sociedá Cultural Xixonesa, na cai Balmonete Miranda, 4, Xixón. L'orde del día apurrióse yá a los asociaos peles víes que son vezu.
Yá tán equí toles noticies d'Iniciativa pol Asturianu nel mes caberu, nel boletín informativu #28.