Iniciativa pol Asturianu nes ondes llega con una nueva entrega. Nesta ocasión el tem central ye la recién espublización d’un llibru col títulu “L’espeyu onde miranos: televisiones de proximidá n’europa Occidental y procesos de recuperación identitaria’’. Esti ensayu algamó’l VI Premiu Fierro Botas que concede l'Ayuntamientu de Xixón al traviés de la Conceyalía d'Educación, Cultura, Mocedá y Fiestes.
Estos díes atrás, Iniciativa pol Asturianu quexábase énte l'alcalde de Cangues d'Onís, darréu de qu'anunciara que-y aprobaren la colocación d'una señalización na A-64 na que s'anuncia la salida p'hacia Cangues d'Onís y Cuadonga. Iniciativa pol Asturianu recordó al alcalde, José Manuel González Castros, qu'ha facer porque Fomentu cumpla la llei al poner la señalización que reclamó y qu'agora van instalar. Agora l'asuntu va llegar al plenu del Conceyu de Cangues gracies a la petición d'Izquierda Xunida.
Yá tán les noticies de la reivindicación llingüística d'ochobre nel nuesu boletín informativu dixital.
Dempués del anunciu fechu en redes sociales pol alcalde de Cangues d'Onís, anunciando que-y aprobaren la colocación d'una señalización na A-64 na que s'anuncia la salida p'hacia Cangues d'Onís y Cuadonga, Iniciativa pol Asturianu recordó al alcalde, José Manuel González Castros, qu'ha facer porque Fomentu cumpla la llei al poner la señalización que reclamó y qu'agora van instalar
El diariu El Comercio asoleyaba una noticia al respective de la presencia de l'asignatura de Llingua Asturiana y Cultura Asturiana nos centros concertaos: "Llingua fracasa en la concertada". Nel artículu dábase a entender que l'asignatura entamara'l so andar nos concertaos esti cursu. Inaciu Galán, presidente d'Iniciativa pol Asturianu respondió esti martes 28 con un artículu asoleyáu nes páxines del periódicu qu'agora reproducimos.
Iniciativa pol Asturianu felicitó estos díes al Real Institutu d'Estudios Asturianos (RIDEA) al traviés d'una carta al so director, Ramón Rodríguez, pola celebración del congresu «Manuel Menéndez y l’Asturies occidental mediu sieglu depués», que mira pa la llingua asturiana, como lo fizo l'IDEA n'otres etapes, y sobre manera porque lo fai usando con normalidá la llingua asturiana na cartelería del eventu, dalgo inédito na entidá.
La Real Academia Española vuelve a maltratar al asturianu como nos peores tiempos. Nin la nuesa visita al so llar en Madrid, en 2012, con un informe baxo’l brazu solicitando’l cambiu de denomación d’asturiano, bable y asturleonés nel so Diccionario, nin les decenes d’apoyos que teníemos, de profesores d’universidaes d’Asia, Europa y América sirvieron pa que la RAE entrara en razón y reconociera a la llingua asturiana nel so diccionariu, como a les demás, como lo que ye según tola comunidá ciéntifica internacional, un idioma.
Iniciativa pol Asturianu propunxo en 2013 a los grupos políticos con representación asturiana nel Congresu la presentación d'una enmieda a los Presupuestos Xenerales pa que l'Academia de la Llingua Asturiana cuntara con una partida, como tienen la española, catalana, vasca y gallega. La propuesta cuntó colos votos favorables de tolos grupos, menos PP y UPyD, y por ello nun pudo aprobase. Esti añu ta garantiza la vuelta del alderique al Congresu, y trabayamos pa que cunte col sofitu de tolos grupos, y n'especial del PP, que ye'l que pue bloquiar cola so mayoría esta enmienda.
Iniciativa pol Asturianu nes ondes emite na so rede d'emisores y del 17 al 24 d’ochobre, un programa que tien por convidáu a Xune Elipe, cantante del grupu musical Dixebra, col que Samuel Gradín charra fonderame de milenta temes.
Delles families con fíos matriculaos nel colexu públicu Clarín de Xixón denuncien que los sos fíos nun tienen accesu a l'asignatura de Llingua Asturiana nes condiciones de dignidá y calidá mínimamente esixibles. El centru nun cuenta col profesoráu suficiente pa poner clases d'asturianu por mor de la gran demanda, y la respuesta de la Inspección educativa de la Conseyería d'Educación nun foi otra que dar por bono que los escolinos d'esti colexu se xunten en grupos de cursos distintos, (terceru y cuartu de primaria y quintu y sestu) xenerando grupos d'hasta 29 alumnos, cuando la ratio máxima ye de 25, onde conviven escolinos que tienen de trabayar con dos llibros distintos y materia diferente acordies col so nivel educativu. Y too esto, en namás dos sesiones de 45 minutos a la selmana.