Iniciativa pol Asturianu, el Conceyu Universitariu pol Asturianu (CUPA) y l’Academia de la Llingua Asturiana (ALLA) inauguraron el pasáu 6 d'ochobre los V Cursos d'Asturianu en Xixón. Na inauguración de los cursos intervinieron, xunto a los alumnos, Pablo Xuan Manzano, miembru de l’Academia de la Llingua Asturiana, Javier Cubero, del Conceyu Universitariu pol Asturianu ya Inaciu Galán, presidente d’Iniciativa pol Asturianu.
Ufrimos equí les Pallabres inaugurales de los V Cursos d'Asturianu en Xixón, lleíes pol presidente d'Iniciativa pol Asturianu, Inaciu Galán y González, qu'inauguró los cursos xunto al miembru de l'Academia de la Llingua Asturiana, Pablo Xuan Manzano y a Javier Cubero, en nome del CUPA.
Iniciativa pol Asturianu, el Conceyu Universitariu pol Asturianu (CUPA) y l’Academia de la Llingua Asturiana (ALLA) entamen la que ye yá la quinta edición de los Cursos d’Asturianu en Xixón esti llunes 6 d’ochobre dende les 17 hores, nel Conseyu de la Mocedá de Xixón (Avenida Manuel Llaneza 68, baxu)
Nesta nueva edición del programa Iniciativa pol Asturianu nes ondes cuntamos nos nuesos estudios con Inaciu Galán, Presidente d'Iniciativa pol Asturianu, col qu'afondamos nes caberes noticies al rodiu'l nuesu idioma.
Delegaos de les organizaciones formantes aldericarán sobre la situacion de les llingües rexonales n'Italia con Claudia Soria (Consiglio Nazional delle Ricerche (CNR), Istituto di Linguistica Computazionale, Italia), y de la implementación de la Carta Europea pa les Llingües Rexonales o Minoritaries (ECRML) en Rumanía per parte'l nuestru miembru húngaru Attila Benő (Asociation pa la promoción del húngaru en Rumanía). El parllamentariu estoniu y espertu de llingua Mart Rannut tamién falará de temes arreyaos a la ECRML, mentanto qu'otros asuntos como la situación en Cataluña, les reformes territoriales nel Estáu francés o la implementación de la ECRML nel Estáu español (y n'Asturies) tamién tendrán un espaciu.
La organización Iniciativa pol Asturianu recibió numberoses quexes de vecinos de Grau pola actuación del alcalde Antonio Rey González pa cola llingua asturiana. Apocayá cambiáronse los paneles informativos turísticos de los edificios más señalaos del conceyu y fízose pa ponelos namás en castellán, cuando hasta agora taben tamién n’asturianu. Esta entidá y los vecinos denunciantes nun son a entender que se faiga esta inversión pa dar pasos atrás nel yá probetayu usu que fai del asturianu’l Conceyu de Grau.
Les noticies del mes de setiembre lleguen al to corréu como ye vezu nel nuesu boletín informativu dixital, que llega esti mes al númberu 34.
El plenu d'Uviéu vota güei, llunes 29 de setiembre,pa confirmar la propuesta pal usu del asturianu nos autobuses aprobada en Comisión d'Economía. Iniciativa pol Asturianu presentó va un mes una quexa al Conceyu d’Uviéu pola falta d’usu del asturianu nel sistema de tresporte públicu de viaxeros d’Uviéu (TUA) La quexa púnxose en conocimientu de les fuercies polítiques presentes nel plenu, ya Izquierda Xunida convirtió esta quexa nuna moción.
El plenu del Conceyu d'Uviéu recibió güei la propuesta que yá se llevare a la Comisión d'Economía ya Infraestructures. La moción, presentada por Izquierda Xunida, cuntó colos votos a favor de PP y PSOE y l’abstención de Foro, amás del votu a en contra del conceyal non adscritu Pedro Manuel Fernández Ruiz, que fizo un discursu contrariu a la normalización del asturianu llegando a dicir qu'esta iniciativa "no hará más que complicar la vida a los ciudadanos", frente a un consensu xeneral a favor de la llingua, que supunxo 21 votos a favor, 4 abstenciones y namás 1 votu en contra.
Dempués de la participación d’Iniciativa pol Asturianu nun alcuentru en Miranda de l Douro, xunto a entidaes de tol territoriu llingüísticu común, siguimos reflexonando alredor del llabor conxuntu qu’entendemos que pue llevase alantre.