Iniciativa pol Asturianu presentó va un mes una quexa al Conceyu d’Uviéu pola falta d’usu del asturianu nel sistema de tresporte públicu de viaxeros d’Uviéu (TUA) La quexa púnxose en conocimientu de les fuercies polítiques presentes nel plenu, ya Izquierda Xunida convirtió esta quexa nuna moción, que güei, na Comisión d’Economía, acabó por aprobase colos votos a favor d’IX, PP y PSOE, y l’abstención de Foro.
Repitímoslo munches vegaes, los problemes del asturianu tán n’Asturies y nos nuesos representantes políticos, asina como pasa nel restu de territorios onde ye llingua propia. La oficialidá sigue siendo’l camín precisu pa poner en marcha un cambiu. Sicasí, pa Iniciativa pol Asturianu trabayar el campu internacional ye dende qu’entamamos el nuesu llabor, un trabayu imprescindible y al que pensamos que nun se pue renunciar. De mano porque la situación del asturianu nun ye única, y ye importante conocer la situación d’otres llingües en momentos asemeyaos del so procesu de normalización.
Un añu más Iniciativa pol Asturianu tien instaláu un puestu informativu y de venta de productos nes instalaciones de la Universidá Asturiana de Branu, en Cangas del Narcea.
La organización que forma parte d’ELEN y convidó al actu al Director de Política Llingüística d’Asturies
Baxo’l títulu ‘Falantes de llingua asturiana: Una comunidá minoritaria sin drechos llingüísticos. ¿Qué podemos facer?’ el representante d’Iniciativa pol Asturianu fizo un repás a la represión llingüística y a les dificultaes de los falantes
Inaciu Galán reclamó nel Foru...
Iniciativa pol Asturianu ta acabante de presentar les sos alegaciones al decretu pol que se crea y regula la Rede de Biblioteques Públques del Principáu d’Asturies. Na so alegación, la organización reclama l’usu del nome n’asturianu del ente (Rede...
Iniciativa pol Asturianu reclama al Conceyu de Madrid qu’igüe la nueva placa conmemorativa del ‘kilometru cero’ de la Puerta del Sol pa recoyer la toponimia oficial asturiana. Esta instalación, que representa’l puntu exactu onde naz la rede de carreteres...
Iniciativa pol Asturianu abrió esti llunes el plazu de matriculación p’apuntase a los nuevos cursos de llingua asturiana (nivel básicu 1 y nivel básicu 2) que van facese a distancia, al traviés d’una plataforma dixital. Los cursos van tener...
El concursu lliterariu de novela curtia de Terror y Histories Fantástiques de Nava discrimina a los y les escritores n’asturianu. El Conceyu espublizó a mediaos d’agostu les bases reguladores de la sesta convocatoria del premiu que solo almite la...
Iniciativa pol Asturianu ta poniendo en marcha dende va unes selmanes, contautos y conversaciones con tolos grupos políticos presentes nel Conceyu d'Uviéu. L'oxetivu ye apurrir a los grupos la so propuesta pa volver a poner en marcha'l procesu de recuperación y oficialización de los nomes tradicionales del conceyu onde s'asitia la capital d'Asturies, que lleva paráu dende va años. Dende Iniciativa pol Asturianu buscamos poner fin a esta situación de paralís, agora que nel plenu vemos un consensu positivu a favor del asturianu, como pudimos ver na votación de la nuesa propuesta pa facer visibile l'usu de la llingua asturiana nos autobuses d'Uviéu, aprobada va pocos díes o'l cambiu nel reglamentu del rexistru qu'impulsamos, pa que dexara d'haber problemes pa presentar documentos n'asturianu nel rexistru.