La votación llevada alantre n’internet nes primeres selmanes del añu, dio como “Meyor Noticia del Añu pal asturianu 2015” al anunciu de que l’asturianu va ponese a prueba como llingua vehicular en delles asignatures nun programa pilotu que quier poner en marcha la Conseyería d’Educación y Cultura, con un 38,1% de los votos. L’ésitu d’El Quixote n’asturianu quedó en segundu llugar a menos d’un puntu.
Francisco José Faraldo foi'l Direutor del primer centru onde s'introduxo l'asturianu como asignatura escontra la llei nel so momentu y foron espedientaos por ello (añu 1983). Amás tamién tien otra afición como ye la d’escribir llibros. Nesta charra va desplicanos cómo foi el procesu alministrativu pal entamu col asturianu nes escueles y los pilancos qu'atoparon nesi camín.
L’Asociación de Capitales Europeas del Deporte (ACES Europe) concedió a Xixón la distinción de Ciudá Europea del Deporte 2016. Dende Iniciativa pol Asturianu, denunciamos l’usu incorrectu del topónimu nos actividaes y na propaganda que se ta faciendo pa los actos organizaos al rodiu d’esti eventu y esiximos l’usu de la toponimia oficial en tolos ámbetos.
Nesti nuevu programa d'Iniciativa pol Asturianu nes ondes vamos falar fonderamente cola escritora Vanessa Gutiérrez que foi la responsable de llevar alantre'l taller de poesía n'asturianu organizáu pola Cátedra Leonard Cohen na Universidá d'Uviéu.
Hasta’l llunes que vien, 18 de xineru, pue votase pa escoyer la “Meyor noticia del añu pal asturianu” de 2015. Esta votación que vien entamando dende l’añu 2013 na RPA, Inaciu Galán, tien por oxetivu conocer les noticies del añu que los internautes consideren meyores pal futuru de la llingua asturiana. El llistáu fízose teniendo en cuenta les propuestes de los asociaos y asociaes d’Iniciativa pol Asturianu, entidá que collabora con esta votación, que busca reflexonar sobre los pasos alantre daos na situación del asturianu nel añu caberu.
Berta Labra, que nes redes sociales yera conocida como "Berta la Celta" dexónos a finales del añu pasáu dempués d'una enfermedá que llegó de forma prematura y marchó cola so vida en pocos meses. Berta yera una muyer comprometida col asturianu, mui activa na reivindicación nes redes y na so vida profesional. Meses enantes de morrer, punxere en marcha xunto a la so fía un negociu al que-y punxo'l nome n'asturianu, la tienda de productos asturianos "Fartuca", n'Uviéu.
Esta selmana Iniciativa pol Asturianu nes ondes llega a la fastera lleonesa onde vamos falar fonderamente col músicu y artesanu, Fran Allegre. Va cuntanos el trabayu abondu importante que ta faciendo na recuperación del nuesu idioma común neses tierres de Lleón.
Güei dos diputaos escoyíos en representación de los asturianos y les asturianes, prometieron el so cargu de diputaos nel Congresu, usando la llingua asturiana. Dende Iniciativa pol Asturianu queremos felicitar a Sofía Castañón y Segundo González por facer sonar la llingua asturiana nel parllamentu estatal, nel que les llingües diferentes del castellán nunca son bien recibíes, como pudo vese en numberoses ocasiones con llingües oficiales.
Iniciativa pol Asturianu un calendariu de bolsu pal 2016 que yá tán distribuyéndose per Asturies. Los calendarios, tán dedicaos a la campaña "Préstame cuando me fales n'asturianu" que la organización espardió peles redes sociales.
Esta votación que vien entamando dende l’añu 2013 na RPA, Inaciu Galán, tien por oxetivu conocer les noticies del añu que los internautes consideren meyores pal futuru de la llingua asturiana. El llistáu fízose teniendo en cuenta les propuestes de los asociaos y asociaes d’Iniciativa pol Asturianu, entidá que collabora con esta votación, que busca reflexonar sobre los pasos alantre daos na situación del asturianu nel añu caberu.