Iniciativa pol Asturianu participó nun alcuentru colos candidatos a l'alcaldía de Xixón nel qu'Inaciu Galán, presidente de la organización, fizo una entruga sobre la situación de la política llingüística en Xixón y la necesidá de poner en funcionamientu la Ordenanza d'usu del asturianu, aprobada en 2008 en Xixón.
La organización Iniciativa pol Asturianu ta acabante asoleyar un gráficu informativu cola postura que lleven nel programa electoral alredor de la oficialidá del asturianu. Nel gráficu apaez la postura positiva o negativa que lleven les que fueron les principales fuercies polítiques nes últimes convocatories electorales.
Esti martes 19 a los 48 años morría de forma prematura Xaviel Vilareyo y Villamil, profesor y escritor n'asturianu y gallego-asturianu. Ñacíu en Mieres del Camín en 1967 foi un activu escritor y activista cultural, poniendo en marcha numberoses iniciatives alredor de la lliteratura, la música y el cine, siempres comprometíes col usu del asturianu.
Esti llunes 18 y convocaos pol partíu Foru Asturies, representates d'Iniciativa pol Asturianu, aconceyaron con miembros de la formación n'Uviéu. Nel actu los representantes de Foru esplicaron el so programa en materia de política llingüística incluyendo delles apreciaciones sobre la inclusión de la oficialidá como promesa electoral per primer vegada pa esta formación.
Esta selmana Iniciativa pol Asturianu nes ondes viaxa pa la fastera lleonesa onde falamos fonderamente col músicu y artesanu, Fran Allegre. Va cuntanos el trabayu abondo importante que ta faciendo na recuperación del nuesu idioma común neses tierres de Lleón.
Iniciativa pol Asturianu collabora con Musa Cafeína y Litografía Viña na convocatoria del III Concursu de Microrrellatos y Micropoemes col envís d’afalar la creatividá lliteraria. Per segundu añu consecutivu esti concursu va incluyir al asturianu, pudiendo presentase testos na nuesa llingua, na convocatoria y na imaxe y bases del certame. El concursu tien abiertu'l plazu d'entrega d'orixinales hasta'l 21 de xunu de 2015 a les 24:00 hores.
El vienres 9 de mayu la sociedá asturiana salió a la cai por mor del Día de les Lletres Asturianes pa reclamar la oficialidá del asturianu. Dende Iniciativa pol Asturianu presentamos agora un informe de la repercusión d’esta reivindicación en Twitter, onde la etiqueta o hahstag #Oficialidá convirtióse en viral, llegando a más de 500.000 persones y con un total 1,6 millones d’impresiones (númberu de vegaes que los tuits fueron vistos)
El Conseyu de Mocedá de Xixón entama un alcuentru y diálogu ente mozos de la ciudá y candidatos y candidates a l'Alcaldía del conceyu. Iniciativa pol Asturianu va participar con una entruga alredor de les actuaciones que sobre la llingua asturiana y la so normalización tienen previsto facer los candidatos en casu de llegar a convertise n'alcalde o alcaldesa.
Iniciativa pol Asturianu nes ondes llega con nuevu programa enllenu de conteníos. Entamamos col Editorial del Presidente d'Iniciativa pol Asturianu, Inaciu Galán, que fai una reflexón al rodiu'l compromisu real de los partíos políticos pa col nuesu idioma asturianu. Darréu sintimos una entrevista fecha pol nuesu collaborador Xose B. Álvarez en Cardiff, capital del país de Gales, con Jaime Bevan, cabezaleru de l'Asociación "Cymdeithas yr Iaith", defensora del idioma galés dende cuantayá, onde facemos una comparanza ente'l galés y l'asturianu nel so desenvolvimientu llegal y futuru.
Iniciativa pol Asturianu quixo aprovechar el caberu conseyu pa facer constar nel acta que nos caberos cuatros años de xestión en Política Llingüística, nun se dio nengún pasu alantre en materia de normalización llingüística en Xixón. Amás, recordamos l'incumplimientu de la Ordenanza municipal d’usu del asturianu nel ámbitu del Conceyu de Xixón, aprobada’l 13 de payares de 2008.