Entamamos el nuesu programa d'esta selmana col editorial de Xose B. Álvarez que reflexona alrodiu'l desenvolvimientu de l'asignatura d'asturianu nes escueles del país. La nuesa siguiente convidada ye Esther Rubio, la poeta l.luarquina ta presentando'l so nuevu llibru con versión n'asturianu "Semienta de llibertá".
Tres la cabera resolución del Parllamentu Européu sobre les llingües europees en peligru d'estinción y la diversidá llingüística na Xunión Europea, Iniciativa pol Asturianu quier amosar el so prestu por esta resolución y faer una llamada por un cumplimientu del documentu dafechu.
El vienres 4 de mayu, voluntariáu d'Iniciativa pol Asturianu repartió miles de folletos informativos de la organización peles cais d'Uviéu, a lo llargo de tola tarde. Darréu participaron na manifestación pola oficialidá entamada pola Xunta pola Defensa de la Llingua Asturiana, percorriendo colos petos identificativos les cais d'Uviéu y reclamando la oficialidá pal nuesu idioma. A lo llargo de la xornada nueves persones tomaron la iniciativa pol asturianu y decidieron facese socios d'Iniciativa pol Asturianu.
Dientro del marcu de la Capitalidá Europea de la Cultura, Donostia 2016, va redactase y proclamase un Protocolu pa la Garantía de los Drechos Llingüísticos, coincidiendo col 20 aniversariu de la Declaración Universal de los Drechos Llingüísticos. Pa ello, ta faciéndose una rolda de contactos, que tien n'Asturies y pa tol dominiu llingüísticu a Iniciativa pol Asturianu como entidá representante y organizadora, pola nuesa pertenencia a la organización europea ELEN (Rede Europea d'Igualdá Llingüística)
Iniciativa pol Asturianu y la Fundación Almastur entamen mañana la ‘Xira pola Oficialidá’ en Bimenes. El conceyu yerbatu va ser el primer puntu p’arrancar esta campaña informativa sobre les llingües d’Asturies que pretende concienciar sobre la necesidá del reconocimientu...
El vienres 31 de mayu celebráronse en Cangues d'Onís dellos actos que sirvieron pa presentar Iniciativa pol Asturianu nel conceyu. Pela mañana, dellos alumnos del Institutu Rei Pelayo participaron nuna charra sobre l'asturianu na que se-yos dio a conocer la organización. Yá pela tarde-nueche, nel chigre Filandón, presentóse a los asistentes, qu'enllenaron el llugar, l'actividá de la organización.
Nesti programa númberu nueve d'Iniciativa pol Asturianu nes ondes charramos col músicu Ricardo Saavedra del grupu del occidente asturianu Bacotexo y tuvimos presentes na presentación del llibru “La Chelita-El Salvador 1992” del dibuxante Ruma Barbero que mos faló del mesmu. Amás, Fernando Valle Roso ufrió’l so primer conciertu p’amosar al públicu’l so nuevu trabayu “Camín d’ayures” y el propiu cantante atendiónos al rematar y cuntónos delles cosuques al rodiu esti discu.
La cantidá d’esta partida, 40.000 euros, entá nun equipara a la institución asturiana col restu d’academies, pero ye un pasu clave pa siguir trabayando
Esta ye la prueba de que la llingua asturiana necesita más que nunca trabayu en positivu,...
José Luis Andavert, director xeneral eméritu de la Sociedá Bíblica d’España que s’encargó de la edición de la Biblia n’asturianu, foi nomáu nuevu Embaxador de la Llingua Asturiana, reconocimientu qu’entama Iniciativa pol Asturianu, dientro d'un actu de presentación del...
Dende la organización nun podemos más que felicitar a los demás nominaos y agradecer esta nominación que ye yá pa nós un reconocimientu, non solo al nuesu llabor, sinón al de tol movimientu de reivindicación llingüística.