Convócase a tolos socios-miembru d'Iniciativa pol Asturianu a la Xunta Xeneral estraordinaria del próximu 25 de febreru a les 17:00 hores nel Auditoriu d'Uviéu. L'oxetivu d'esta Xunta Xeneral ye la escoyeta d'una Xunta Direutiva pa l'asociación, amás d'otres cuestiones de funcionamientu.
El Comercio espublizó esti sábadu pasáu una entrevista con Vítor Suárez, miembru de la Xunta Promotora d'Iniciativa pol Asturianu nel qu'esplicó'l llabor fechu hasta'l momentu y los planes de futuru de la organización, qu'esti sábadu que vien 25 de febreru, celebra'l so primer Congresu col envís d'escoyer Xunta Direutiva y marcar les llínies de trabayu de los meses vinientes. Ufrimos la entrevista completa.
La organización considera que’l retayu d’un 40% a los presupuestos de l’Academia de la Llingua Asturiana (ALLA) ye un ataque al idioma asturianu, nun contestu mui difícil pa la llingua d’Asturies, y teniendo en cuenta que l’ALLA ye una institución siempres austera y que yá hasta agora cuntaba con namás los fondos imprescindibles pal desenrrollu del so llabor. L’asociación aprovecha pa recordar que la máxima institución llingüística asturiana sigue ensin recibir fondos del Gobiernu central, como'l restu de les academies de llingües.
L'asociación Iniciativa pol Asturianu presentóse'l pasáu 17 d'avientu de 2011 nel salón d'actos de la Biblioteca d'Asturies, n'El Fontán, Uviéu cola asistencia de más d'un cientu de persones. Esti vídeu recueye dalgunes de les intervenciones principales d'aquella xornada.
El periodista Próspero Morán (TPA, Asturnews, etc.) y Xuanxo Mariño, director de la única emisora dafechu n'asturianu, Radio Sele, representaron a los medios de comunicación asturianos na presentación d'Iniciativa pol Asturianu, el 17 d'avientu de 2011, n'Uviéu (Asturies).
El pasáu 17 d'avientu de 2011 celebróse la presentación pública d'Iniciativa pol Asturianu n'Uviéu (Asturies). Los maestros d'asturianu tuvieron representaos por Ana García Peláez y Chechu García.
La falta de compromisu de los conceyos y la inesistencia d’un conveniu cola Direición Xeneral de Política Llingüística, que dexa en situación de total indefensión a los trabayadores, llevó al pieslle de trés Servicios de Normalización Llingüística –Llaviana, Corvera y Mancomunidá Ozcos-Eo- a los qu’hai que sumar el casu del SNL peslláu n’agostu y a los continuos parones nestos servicios dende’l so nacimientu.
L’asociación Iniciativa pol Asturianu, que se presentó’l 17 del mes pasáu n’Uviéu acaba colgar na rede un vídeu del músicu asturianu Mario Fueyo, conocíu como “Dark la eMe”, nel “toma la iniciativa pol asturianu”, da’l sofitu a la organización y da cuenta de dalgunes de les sos idees al rodiu de la situación del asturianu nel campu de la educación y sobre manera nel de so, la música.
Vídeu del actu de recaldación de fondos pa Iniciativa pol Asturianu celebráu la selmana pasada en Xixón. Xosé B. Álvarez fala del proyectu de la nuesa organización.
Iniciativa pol Asturianu ye una asociación de creación nueva que vien a sumar na reivindicación ciudadana pa garantizar la sobrevivencia del idioma. Inaciu Galán (Xixón, 1986) y Vítor Suárez (Uviéu, 1988) son miembros de la xunta promotora.