Iniciativa pol Asturianu axunta a los asociaos esti sábadu 23 de febreru de 2013, pa celebrar la primer Xunta Xeneral añal de la organización. Esti muérganu ye'l que tien les máximes competencies ente Congresos, que se faen cada trés años, y nél van discutise y votase dalgunes propuestes d'importancia, asina como les llinies de trabayu pal añu viniente. L'actu va celebrase a partir de les 17 hores y hasta les 20, nuna sala del Auditoriu Príncipe d'Asturies d'Uviéu, que ta plaza la Xesta. Darréu, a les 21:30, ta prevista una espicha na sidrería La Pumarada, en Gascona.
Nesti programa númberu nueve d'Iniciativa pol Asturianu nes ondes charramos col músicu Ricardo Saavedra del grupu del occidente asturianu Bacotexo y tuvimos presentes na presentación del llibru “La Chelita-El Salvador 1992” del dibuxante Ruma Barbero que mos faló del mesmu. Amás, Fernando Valle Roso ufrió’l so primer conciertu p’amosar al públicu’l so nuevu trabayu “Camín d’ayures” y el propiu cantante atendiónos al rematar y cuntónos delles cosuques al rodiu esti discu.
Los despachos de los diputaos asturianos nel Congresu de los Diputaos, en Madrid, sirvieron d’espaciu pa los conceyos celebraos con Inaciu Galán, presidente d'Iniciativa pol Asturianu esti martes pásau. Ente los temes trataos, la situación del asturianu cola nueva reforma educativa o l’usu de la toponimia oficial asturiana nes carreteres estatales, mostrando tolos diputaos bona disposición pa da participar de forma activa na busca de soluciones, yá fuera dende la oposición, casu de PSOE, Foru ya IX, o dende la so posición de partíu de gobiernu, nel casu del PP.
Iniciativa pol Asturianu abre’l plazu p’apuntase a la que ye la Primer edición de los Cursos d’Asturianu n'Uviéu, una esperiencia formativa qu'entamamos en collaboración cola Academia de la Llingua Asturiana (ALLA) y col Conseyu de la Mocedá del Principáu d'Asturies (CMPA). En modalidá presencial o online.
Esti llunes 11 de febreru entregóse nes sedes del Ministeriu de Fomentu y Ministeriu d’Educación, en Madrid, cartes dirixíes a los respectivos ministros, cola fin d’amosar el refugu de la organización a la situación na quedaría la llingua asturiana d’aprobase la nueva reforma educativa. La carta dirixida al Ministru de Fomentu reclama que’l Gobiernu d’España cumpla col usu de la toponimia oficial nel territoriu asturianu, y anima a esti departamentu a usar l’asturianu con normalidá nes infraestructures.
Yá puedes consultar les noticies d'Iniciativa pol Asturianu nel boletín informativu dixital númberu 15. Un mes más, Iniciativa pol Asturianu apurre información de la so actividá a socios y simpatizantes de la organización al traviés d'esti boletín qu'avanza dalgunes noticies, como la celebración de la Xunta Xeneral de socios pal próximu sábadu 23 de febreru, pela tarde, celebrándose darréu una espicha abierta a tolos interesaos.
Inaciu Galán, presidente d'Iniciativa pol Asturianu va a tar nel Congresu de los Diputaos, en Madrid, na tarde d’esti martes 12 de febreru, p’aconceyar colos diputaos de la circunscripción asturiana que dempués de convidar tanto a senadores como diputaos, quixeron recibir a la organización pa tratar cuestiones como la situación del asturianu cola nueva reforma educativa, l’usu de la toponimia oficial asturiana nes carreteres ...
El martes pasáu, 5 de febreru, nel salón d'actos del Conseyu de Mocedá de Xixón, celebróse'l pieslle y la entrega de diplomes del III Cursu d'Asturianu en Xixón, qu'organicen el Conceyu Universitariu pol Asturianu ya Iniciativa pol Asturianu col encontu de l'Academia de la Llingua Asturiana (ALLA).
Miembros d'Iniciativa pol Asturianu participaron colos petos de la organización na manifestación contra la LOMCE, nuevu proyectu de reforma del sistema educativu que pon en peligru la presencia del idioma asturianu nes escueles.
L'aconceyamientu de la Xunta Direutiva del pasáu sábadu 2 de febreru de 2013, celebráu nel Centru Social de Pumarín, n'Uviéu, decició que la celebración de la Xunta Xeneral de socios va facese'l próximu sábadu 23 de febreru, de 17 a 20 hores nel Auditoriu Príncipe d'Asturies d'Uviéu.