Iniciativa pol Asturianu pon puestu informativu y de venta de llibros nel X Mercáu Tradicional La Flor de Ḷḷena esti sábadu 6 y el domingu 7. Nel mesmu la xente interesao podrá informase, garrar materiales y asociase a la organización, amás de mercar llibros a precios de crisis. Animamos a la xente a averase hasta'l Mercáu pa esfrutar de les actividaes, la sidra, la música y l'artesanía asturiana.
Iniciativa pol Asturianu participa nuna charra-alderique organizada pol Atenéu N'Alfoz n'Avilés, esti xueves 4 d'abril, de magar les ocho la tarde. Na mesatarán represenantes de la Xunta pola Defensa de la Llingua Asturiana, Reciella 'Families pol Asturianu", l'Asamblea de Docentes d'Asturianu y el xestor cultural Adolfo Camilo Díaz.
Les organizaciones Iniciativa pol Asturianu y Ástura entamen un actu d'alcordanza a la memoria d'Emilio Robles Muñiz, conocíu pol nomatu de Pachín de Melás, unu de los autores en llingua asturiana más populares del sieglu XX. Esti mes pasáu cumpliéronse 75 años de la so muerte na cárcele d'El Coto en Xixón y dende Iniciativa pol Asturianu vese más necesario que nunca reconocer la so figura "yá que les entidaes públiques nun faen un res pola so memoria nestos díes". La última fía viva de Pachín y otros familiares confirmaron yá la so presencia nel actu.
Yá ta disponible'l boletín informativu dixital del mes de marzu con toles noticies del mes últimu Sí tovía nun te llega al corréu lletrónicu, puedes apuntate con namás introducir el to corréu nel estoyu al final d'esta páxina.
Nesti audiovisual "Iniciativa pol asturianu: un añu de trabayu (2012-2013) faise un percorríu pela actividá d'Iniciativa pol Asturianu a lo llargo del periodu 2012-2013, primeru de xestión de la Xunta Direutiva. Quier ser un resume del Informe de Xestión presentáu, mesmo que'l propiu videu, na Xunta Xeneral 2013 de la organización, que se celebró'l 23 de febreru nel Auditoriu d'Uviéu.
Cuando cuasi naide apostaba por una radiotelevisión pública asturiana, el movimientu de reivindicación llingüística yá reclamaba la so esistencia, como importantísima ferramienta de normalización del asturianu. Dempués, aquellos que nun la queríen, sumáronse, y fundóse la Radiotelevisión del Principáu d'Asturies. El restu de la hestoria yá la conocen. Una radio y una televisión na que l'asturianu tien una presencia marxinal, menos d'un 4% nos primeros cuatro años. Esto ye, la televisión asturiana emitió más hores d'autopublicidá que de programación n'asturianu.
Dende Iniciativa pol Asturianu venimos d'aconceyar el vienres pasáu col xefe de Gabinete de la Delegación de Gobiernu n’Asturies, Alberto Mortera quien atendió per dos hores a los representantes de la nuestra asociación: Inaciu Galán y Vítor Suárez. Mortera comprometióse con esti coleutivu n’asuntos de toponimia, educación y presupuestos estatales.
Esti vienres 15 de marzu, Inaciu Galán y Vítor Suárez, presidente y vicepresidente, respectivamente, d'Iniciativa pol Asturianu, van aconceyar con representantes de la Delegación de Gobiernu n'Asturies. El conceyu sedrá a les 11:30 nel llar de la Delegación n'Uviéu.
Nesta entrega nueva d'Iniciativa pol Asturianu nes ondes charramos col célebre ciclista Samuel Sánchez, qu’amosó’l so apoyu a la oficialidá del asturianu. A propósitu de la última polémica sobre l'usu del nuesu idioma nel trabayu alministrativu de los conceyales de Noreña, tarán con nós Inaciu Iglesias, de FAC, y Pablo Pérez Fonseca, de Conceyu Abiertu. Ofrecerán la so opinión al rodiu d'esti asuntu tan llaceriosu. Y otros conteníos...
La Dirección Xeneral de Carreteres del Gobiernu d'Asturies ta acabante instalar nueves señales viales colos nomes de Lieres, Nava, L'Infiestu y Les Arriondes nel enllaz de l'autovía A-8. Iniciativa pol Asturianu denunció qu'estes señales usen los topónimos yá derogaos "Infiesto" y "Arriondas", en cuenta de los únicos oficiales y d'obligáu usu pola alministración L'Infiestu y Les Arriondes.