La organización Iniciativa pol Asturianu felicitó a la directora de la Fundación Príncipe d'Asturies pol usu per primer vegada na actividá de la entidá del asturianu y gallego-asturianu nes sos comunicaciones. Dambes entidaes aconceyaren a finales del añu 2012 pa tratar cuestiones alredor del usu del asturianu y agora eses conversaciones dan los primeros frutos.

 

Iniciativa pol Asturianu solicitó de nuevo aconceyar cola Directora de la Fundación p'animalos a siguir dando pasos alantre nel usu del asturianu, lo que consideren imprescindible pa la identificación de los asturianos con esta entidá que cada añu entrega los Premios Príncipe n'Uviéu.

 

L'usu del asturianu y gallego-asturianu pa publicar les bases del Premiu al Pueblu Exemplar d'Asturies nun ye más qu'un fechu simbólicu y de poca trescendencia social, pero ye, a xuciu d'Iniciativa pol Asturianu, un primer pasu pa que la Fundación siga nel camín de tener al asturianu como una llingua d'usu normal dientro de les sos actividaes, y mui n'especial, alredor de los Premios Príncipe d'Asturies, actividá con más repercusión d'ente les entamaes por esta entidá.

 

Reglamentu n'asturianu y gallego-asturianu na páxina de la Fundación

Noticia del conceyu cola FPA en 2012

Iniciativa pol Asturianu denuncia l'ausencia del asturianu nos Premios Príncipe

Artículos venceyaosMás del autor