El Colexu Públicu Montiana, de Xixón, ta acabante recibir l'aprobación de la Conseyería d'Educación pa que'l centru pase a denomase "Montiana", nome tradiconal y dende va años oficial del llugar onde s'asitia, en llugar del deturpáu "Monteana". Iniciativa pol Asturianu unvió una felicitación al centru aprovechando pa convidalos a siguir dando pasos na visibilidá del asturianu nel centru, talos como siguir faciendo medrar la matriculación na asignatura, usar l'asturianu na páxina web y na rotulación del centru, etc.
El programa Iniciativa pol Asturianu nes onde tuvo nel Colexu Asturamérica de Cuideiru grabando un programa especial colos alumnos de llingua asturiana de tolos niveles. Un programa nel que los neños participaron xunto a la so maestra de llingua...
La finalidá d'esti proyeutu ye dotar a la llingua asturiana d'un estatus, amás d'un usu útil y activu na sociedá asturiana, capaz de xenerar beneficiu un económicu y social al traviés de la firma de convenios con empreses y negocios que busquen introducir l'asturianu con unos criterios básicos d'usu.
El Grupu Municipal d'Izquierda Xunida n'Uviéu ta acabante presentar una proposición urxente pal so alderique nel plenu próximu. Na mesma van solicitar a los xestores del Conceyu qu'adopten l'usu del asturianu con normalidá, dempués de qu'Iniciativa pol Asturianu denunciara que-y prohibieron presentar un documentu nesta llingua nel Rexistru de la institución. IX va solicitar nel plenu que'l Conceyu d'Uviéu se comprometa a tramitar escritos n'asturianu y que se forme a los funcionarios nel usu del idioma. Dende Iniciativa pol Asturianu valoramos de forma positiva esta solicitú y animamos a toles fuercies polítiques del conceyu a sumase a estes propuestes pa dar pasos alantre nel usu del asturianu n'Uviéu.
Iniciativa pol Asturianu celebra un actu en Cangues d'Onís col envís de dase a conocer nesti conceyu del oriente d'Asturies. Nel actu va celebrase un recital de poesía n’asturianu que va abrir l'escritor mozu de Cangues, Alberto Cla. Va presentase'l númberu 11 de la revista lliteraria Formientu y a la propia organización.
Esti vienres 24 de mayu l'Atenéu Llibertariu d'Uviéu organiza una mesa redonda embaxo'l títulu "¿Qué pasa cola llingua?", a la que se convidó a participar a Iniciativa pol Asturianu. L'actu sedrá a les siete y media la tarde nel so llocal nel 37 de la cai Ricardo Montes d'Uviéu, nel barriu de Ciudá Naranco. Participarán nel actu, xunto a Iniciativa pol Asturianu, Reciella y Trafego.
L'editorial del mes ye un espaciu d'opinión de la organización Iniciativa pol Asturianu onde vamos falamos y reflexones sobre temes de fondu o d'actualidá sobre la llingua asturiana y la so situación y marcamos llínies d'actuación.
El cantante del célebre grupu musical asturianu Los Berrones, Ramón Blanco, charró a fondu nel programa de radio d'Iniciativa pol Asturianu onde fizo un repás de la trayectoria d'esta formación musical amás de facer un defensa del asturianu como patrimoniu de tolos asturianos y asturianes.
El pasáu vienres, 17 de mayu, el Centru Valey de Piedrasblancas, en Castrillón, acoyó un festival poéticu "Pallabra nel mundu" nel que collaboró Iniciativa pol Asturianu. L'eventu tuvo por llingua vehicular l'asturianu y cuntó con poetes que recitaron tanto en castellán como n'asturianu.
La organización Iniciativa pol Asturianu quier denunciar la llamentable situación vivida díes atrás, cuando'l vocal de volutariáu de la organización, Xurde García Cilleros, acudió al Rexistru del Ayuntamientu d'Uviéu pa solicitar un espaciu na cai, con un documentu redactáu n'asturianu. El funcionariu que lu atendió negó-y la posibilidá d'entregalu n'asturianu y obligólu a preparar el documentu en castellán.