La Rede Europea d’Igualdá Llingüística, ELEN (na que participa Iniciativa pol Asturianu) xúnese al Conseyu d’Europa na llamada pa garantizar que tolos Estaos s’utilicen los idiomas cooficiales, «rexonales», indíxenes, en peligru o minoritarios demientres la crisis del andanciu del coronavirus.
La mayoría de los países del mundu, incluyíos los Estaos miembros del Conseyu d’Europa y la Xunión Europea, enfréntense al andanciu ensin precedentes de COVID-19. Durante varies selmanes, los gobiernos foron introduciendo, gradualmente y a diferentes ritmos, una bayurosa gama de midíes, que van dende recomendaciones básiques d’hixene hasta’l confinamientu parcial o total de les sos poblaciones. Les autoridaes pertinentes a nivel nacional, rexonal o llocal y los espertos médicos tán reiterando que solo al traviés d’un estrictu cumplimientu de les midíes propuestes controlaráse la propagación del COVID-19.
Anque eses midíes tean bien, comprobóse que los Estaos nun compartieren sistemáticamente la información, instrucciones, directrices o recomendaciones nos idiomes distintos del idioma oficial del país. Esto tamién fae referencia a les llingües cooficiales tradicionales, «rexonales», indíxenes en peligru d’estinción o minoritaries (RML) que se falen nos respectivos países. La comunicación de les recomendaciones relevantes nestos idiomes ye de suma importancia pal bienestar de los falantes d’estos idiomes.
Si bien lo anterior tien que considerase como un requisitu pa los Estaos miembros del Conseyu d’Europa que ratificaren la Carta Europea pa les Llingües Rexonales o Minoritaries (ECRML) (de manera concreta, les disposiciones relatives a l’asistencia sanitaria y l’alministración pública), otros Conseyos d’Europa y la Xunión Europea, los Estaos miembros deben tomar midíes pa dirixise a los sos ciudadanos en tolos idiomes que se falen tradicionalmente nos sos países, anque ratificaren o non la Carta.
Amás, dalgunos estaos recurrieren a la enseñanza en llínia o al traviés de la televisión. Por contra, na mayoría de los casos, la enseñanza llimítase al idioma oficial, ensin tener en cuenta les necesidaes de los alumnos que xeneralmente reciben la so educación n’idiomes rexonales o minoritarios. Esti enfoque nun solo ye contrariu a los compromisos de la Carta, sinón tamién discriminatoriu. Nesi sen, hai que reconocer que la Conseyería d’Educación del Principáu d’Asturies dedica un espaciu al asturianu nel programa educativu de la TPA.
Agora mesmo, ELEN ta recoyendo datos de les sos organizaciones miembros sobre si los gobiernos sacaren información y proporcionado educación en llínia o por televisión. Los datos recopilaos van xuntase nun Informe pal Conseyu d’Europa y les instituciones de la Xunión Europea.
Al traviés d’esti mensaxe, la Rede Europea d’Igualdá Llingüística, la sociedá civil internacional que trabaya pa la promoción, protección de les llingües europees cooficiales, rexonales, en pelligro d’estinción, indíxenes y minoritaries, únese al Conseyu d’Europa pa convocar a los estaos, les autonomíes y les autoridaes llocales pa garantizar que se comuniquen nos son idiomes cooficiales, ‘rexonales’, indíxenes, en peligru d’estinción o minoritarios cuando desarrollen nueves polítiques ya instrucciones p’abordar esta crisis médica escepcional. (Eurolang 2020)
