El concursu entamáu por Iniciativa pol Asturianu baxo’l títulu #andanciulliterariu tien yá fallu del xuráu. El primer premiu ye pa Gonzalo Llamedo por «Y agora col presente dormíu», el segundu premiu pa Xuan Miyar por » La ñube metía…» y el terceru p’Ataúlfo Gamonal por «Dende’l primer día».
Iniciativa pol Asturianu valora la participación nel concursu y agradez abondo la difusión y collaboración de los y les internautes na campaña nestos momentos d’andanciu de coronavirus. La organización agradez el trabayu de los y les participantes pa siguir creando lliteratura n’asturianu nestos momentos de tar en casa, xenerando un ambiente positivu y de distracción nestos momentos.
El xuráu tuvo compuestu pol profesor Fonsu Martín Sánchez y la escritora María Luz Pontón Álvarez, actuando como secretariu ensin votu’l presidente d’Iniciativa pol Asturianu, Iván Llera. La entrega de premios va facese en cuantes seye posibles tres la crisis sanitaria.
Equí tienes a tolos y toles participantes.
