XIXÓN, 28/04/2019. Chema Castiello morrió güei martes en Xixón. Dende Iniciativa pol Asturianu queremos amosar el nuesu pesar pola muerte d’esti educador que tuvo comprometíu cola llingua asturiana.
José María Castiello (Xixón, 1952) yera doctor en Ciencies de la Educación pola Universidá d’Uviéu. Cuntó con una llarga trayectoria como profesional de la enseñanza pública. Foi ún de los promotores del grupu de renovación pedagóxica «Eleuterio Quintanilla», onde tuvo especializáu nos problemes relativos a la población inmigrante. Amás foi profesor y director del IES Padre Feijoo y collaborador del Atenéu Obreru de Xixón.
Con esta perda marcha un home sensibilizáu cola llingua asturiana, acabantes de publicar una obra nesta llingua con Ediciones Trabe. Chema Castiello foi amás entamador de radios comunitaries y otres iniciatives nes que l’asturianu tuvo un papel importante.
Queremos acompañar nesti momentu de dolor a la so familia, compañeros, collacios, alumnos y a les munches persones que lu queríen.
