Iniciativa pol Asturianu collabora con un concursu lliterariu pa neños del programa El Xarabatu

Espublizao 21/03/16

Iniciativa pol Asturianu collabora xunto con otres entidaes pol concursu entamáu pol programa de radio "El Xarabatu" de la emisora llocal Llaviana Fm 107.7. Esti concursu cunta cola collaboración de los colexos públicos, Elena Sanchez Tamargo, de Llaviana y Maximiliano Arboleya, de Barredos, un concursu de rellatos curtios con dibuxu, dirixíu, a los escolinos y escolines, de Primaria, que reciben clases d'asturianu, y que va tener trés categoríes de premios y un premiu especial.

El Xarabatu, na so programación, tien un apartáu que llamen "El Requexu Lliterariu d'Erika", onde, Erika de 12 años, da a conocer y comenta, diversos cuentos y llibros, n'asturianu y de distintes editoriales. Esti ye'l nome que va llevar el concursu. 

 

BASES 1er REQUEXU LLITERARIU , EL XARABATU.

1. Los trabayos, son de temática llibre, redactaos n'asturianu, con una estensión minima de una fueya y máximu de dos fueyes, per una cara.

2. Los trabayos van dir acompagaos d'un dibuxu referente al rellatu escritu, y esti grapáu al mesmu.

3. Los trabayos van presentase, col nome del neñu o neña, el cursu y la clas a la que pertenez.

4. Un trabayu por neñu/neña.

5. Los trabayos tienen que ser propios, que nun seyan copia d'otros o tean presentaos en dalgún otru concursu o asemeyao.

6. El plazu d'entrega de los trabayos, acaba'l 1 d'abril del 2016, n'horariu escolar.

7. Va haber trés premios, en trés categoríes, y un premiu especial, al meyor dibuxu de tolos presentaos.

 1er Categoria- 1u y 2u de Primaria – Un premiu/diploma

 2ª Categoria- 3u y 4u de Primaria – Un premiu/diploma

 3er Categoria- 5u y 6u de Primaria – Un premiu/diploma

 Premiu especial al meyor dibuxu – Un premiu/diploma

 Les neñes y neños premiaos, van participar nun programa de radio especial, nel programa EL XARABATU, en Llaviana Fm 107.7.

8. La entrega de premios, va tener llugar, na Casa Cultura de Llaviana'l día 29 d'abril de 2016, vienres, a les 17:00 hores.

9. El xuráu, va tar integráu por xente del ambitu de la llingua asturiana, y los integrantes, daránse a conocer, a lo llargo del mes de marzu, y xuntaranse, les primeres selmanes d'abril, pa escoyer los/les ganadores.

10. Les decisiones y el fallu del xuráu, van ser inapelables.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.