Coincidiendo col añu nuevu apurrimos trés nueves ediciones del programa Iniciativa pol Asturianu nes ondes, presentáu por Samuel Gradín. Trés programes que sonaron a lo llargo d'estes fiestes nes más d'una docena d'emisores asturianes que difunden el nuesu programa.
Siguimos n’Iniciativa pol Asturianu nes ondes con más convidaos y falamos esta selmana con Xulio Llaneza que ñaz en Perabeles, parroquia de Santa Bárbola, conceyu de Samartín del Rei Aurelio. Realiza los estudios primarios na Escuela "El Corralón" y termina'l bachilleratu nel Institutu Virxe de Cuadonga d'El Apurro. Acaba la carrera de Maxisteriu na Universidá d'Uviéu, sacando oposiciones al cuerpu de mayestros nel añu 1981. Ye amás llicenciáu en Filosofía y Lletres y Doctor en Filoloxía Hispánica pola Universidá de les Islles Baleares.
Esta selmana nel nuesu programa cuntamos con dos convidaos y cola nuesa seición #Deprendilasturianu. Pa entamar, contautamos col músicu y diseñador gráficu Ruma Barbero col que falamos del Premiu Alfonso Iglesias de cómic algamáu en pasaes feches amás d'otros proyeutos nos que trabaya como "Aguantando cachones".
Iniciativa pol Asturianu nes ondes llega con nuevu programa enllenu de conteníos. Entamamos col Editorial del Presidente d'Iniciativa pol Asturianu, Inaciu Galán, que fai una reflexón al rodiu'l compromisu real de los partíos políticos pa col nuesu idioma asturianu. Darréu sintimos una entrevista fecha pol nuesu collaborador Xose B. Álvarez en Cardiff, capital del país de Gales, con Jaime Bevan, cabezaleru de l'Asociación "Cymdeithas yr Iaith", defensora del idioma galés dende cuantayá, onde facemos una comparanza ente'l galés y l'asturianu nel so desenvolvimientu llegal y futuru.
Dientro d’estos cursos, Iniciativa pol Asturianu organizó un añu más delles actividaes. A lo llargo d'estos díes la organización tuvo un puestu informativu con venta de llibros y otros productos nes instalaciones de la Universidá. Amás, celebróse una folixa, con música, presentación informal de la revista Formientu y micro abiertu a la participación d'escritores nel llocal Bambú.
Iniciativa pol Asturianu nes ondes llega con una entrega nueva. Nel programa d'esta selmana falamos con Andrés Treceño @AndrewTrece del proyeutu de poesía llibre @FamePoetika nel qu'organicen timbes en dellos llugares pel nuesu país.
Iniciativa pol Asturianu, en collaboración colos medios InfoAsturies y Conocer Asturias estrenó esti martes 7 de xineru'l primer programa de televisión "Alderiques d'Asturies" nel que cuatro convidaos falaron de la situación del asturianu na rede de redes. "Alderiques d'Asturies" ye un nuevu programa de televisión que ñaz col envís de poner enriba la mesa un asuntu del que charraremos fonderamente con diferentes convidaos, col oxetivu sentir estremaes opiniones al rodiu'l mesmu y buscando da-y una mayor presencia al asturianu nel ámbitu de la televisión.
Una nueva edición d'Iniciativa pol Asturianu vien con entrevistes. La primera d'elles dedicada a los responsables de la canal de noticies Conocer Asturias. La segunda parte del programa ta dedicada a la Noite Celta de Porcía, una de les cites clásiques del branu asturianu.
Xicu Ariza fala nesta entrega nueva d'Iniciativa pol Asturianu del nuevu proyeutu cultural Ixuxú Asturies-Euskal Herria Elkartea, nel que participa Iniciativa pol Asturianu ufriendo una charra informativa sobre la situación del asturianu a los centros culturales vascos, de cara a dar a conocer fuera d'Asturies la situación de la nuesa llingua en comparanza cola del vascu.
Esta selmana nel nuesu programa radio ta con nós Mikel de l'asociación ensin ánimu de llucru Softastur que tien l'envís d'inxertar l'asturianu nes nueves teunoloxíes, desenvolviendo una montonera ferramientes onde'l nuesu idioma ta disponible.