Iniciativa pol Asturianu nes ondes ufre güei Día d'Asturies, un especial con entrevista a Inaciu Galán, presidente d'Iniciativa pol Asturianu, falando con Samuel Gradín de la campaña #AsturiesNasturianu que quier enllenar les redes sociales de conteníos n'asturianu.
Nel programa d'esti mes d'abril de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán.
El nuesu...
Yá ta disponible'l cuartu programa de radio "Iniciativa pol Asturianu nes ondes", mediu de difusión de les actividaes de la organización onde cada mes pueden sentise entrevistes con miembros d'Iniciativa pol Asturianu y persones d'otros colectivos pa conocer y aldericar alredor del asturianu y la so situación. Nesta ocasión, Samuel Gradín, director del programa, entrevista a Penelope Miranda, del Serviciu de Normalización Llingüística de L.lena, y Arancha Prado, del SNL de la Mancomunidá del Cabu Peñes.
Iniciativa pol Asturianu nes ondes tuvo grabando un programa nel Festival Intercélticu d'Avilés. Samuel Gradín, director del programa, entrevistó a dellos responsables y participantes del mesmu, nun programa qu'agora pue sentise na rede y nes emisores habituales repartíes per toa Asturies.
Nesta nueva edición d'Iniciativa pol Asturianu nes ondes el convidáu ye Paco Granda, periodista percélebre dende cuantayá pol so apueste pol usu del asturianu nos medios de comunicación. Anguaño presenta en TeleAsturias el programa d'alderique deportivu "Asturies ye fútbol" y falamos con él de periodismu n'asturianu nesti programa.
Entamamos el nuesu programa d'esta selmana col editorial de Xose B. Álvarez que reflexona alrodiu'l desenvolvimientu de l'asignatura d'asturianu nes escueles del país. La nuesa siguiente convidada ye Esther Rubio, la poeta l.luarquina ta presentando'l so nuevu llibru con versión n'asturianu "Semienta de llibertá".
Iniciativa pol Asturianu nes ondes llega esta selmana con una entrevita al actor Carlos Alba, conocíu col alcuñu de "Cellero, que ta presentando un nuevu trabayu col nome "La Vida de Xuanqui" onde fai una alegoría en clave asturiana de la percélebre película de los Monty Python.
Nesti mes de xineru entamen les emisiones d'Iniciativa pol Asturianu nes ondes en Radio Parpayuela, radio más sentida nel conceyu de Mieres y nos de la Montaña Central. La emisión del programa sedrá tolos llunes de 18 a 18:30 hores, nel 94.0 FM. Parapayuela súmase asina a la rede de difusión del programa que quier siguir medrando cada mes pa llegar a más y más asturianos.
Nel programa d'Iniciativa pol Asturianu nes ondes de la primer selmana d'avientu cuntamos cola cantante de tonada Anabel Santiago que ye entrevistada polos escolinos y escolines del Colexu Asturamérica de Cuideiru y cola qu'afondamos na so hestoria y proyeutos, baxo la dirección de Samuel Gradín.
La última edición del programa Iniciativa pol Asturianu nes ondes dedícase a falar fonderamente con Fernán Morán, unu de los entamadores del grupu abiertu "Llingua Asturiana", en Facebook.