Un nuevu programa d'Iniciativa pol Asturianu nes ondes ta colgáu na rede y pue sentise nes más d'una docena d'emisores que radien el programa en toa Asturies. Entamamos falando con Inaciu Galán, escoyíu nel so segundu y últimu mandatu como Presidente de l'asociación Iniciativa pol Asturianu ñacida nel mes d’ochobre de 2011 y que dende entós vien poniendo la so voz na reivindación llingüística, denunciando casos de discriminación y llevando a cabu avances al traviés de la reivindicación, la negociación y la collaboración con otres entidaes públiques y privaes.
Iniciativa pol Asturianu aporta col editorial del Presidente d'Iniciativa pol Asturianu, Inaciu Galán, que fai una reflexón al rodiu les declaraciones de la cabezalera del PP n'Asturies, Mercedes Fernández "Cherines".
Iniciativa pol Asturianu nes ondes, programa de radio d'esta organización, suma una emisora más a la so rede de difusión, que suma yá trece medios. Esti ye'l primeru que va llevar el programa hasta l'occidente d'Asturies. El programa va poder sentise tolos miércoles a les 23:30 y los sábados a les 14 hores, nel 107.5 de la FM.
Iniciativa pol Asturianu nes ondes entrevista nesti casu a Toño Martínez, llicenciáu n'Hestoria, Master n'Hestoria y Analís Sociocultural y anguañu Doctorandu n'Investigaciones Humanístiques, ta preparando’l proyeutu d'investigación sobre Sidra, ociu y sociabilidá en Siero y Noreña (1875-1937) too ello na Universidá d'Uviéu.
Nesta edición d'Iniciativa pol Asturianu nes ondes préstanos afondar dende otru puntu vista, que ye’l trabayu que fai la xente que torna los testos al nuesu idioma pa que dempués los actores y actrices interpreten los sos papeles. L'estudiante de filoloxía románica Pelayu Valduvieco ta al cargu d'esti llabor y falamos con él d'esi trabayu.
El Conceyu de Mieres, pente medies de la Casa de la Cultura y el Serviciu de Normalización Llingüística, convocó la XXV edición del Premiu “Teodoro Cuesta” de poesía n’asturianu.
Nel programa d'esti mes de xineru de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán.
El...
Nes dos primeres selmanes d'agostu celebróse en Cangas del Narcea la Universidá Asturiana de Branu (UABRA), una esperiencia formativa organizada pola Academia de la Llingua Asturiana, la Universidá d’Uviéu y el Conceyu de Cangas. Dientro d’estos cursos, Iniciativa pol Asturianu organizó delles actividaes ente les que destacaron les charres informatives, el concursu de karaoke n'asturianu y el puestu informativu y de venta de llibros a preciu de crisis. El resultáu, nuevos asociaos a la organización y la recaldación de fondos pa la organización a lo llargo de los dolce díes de duración de los cursos.
L'equipu d'Iniciativa pol Asturianu nes onde tuvo presente nel XIII Festival de Bandes de Gaites "Villa de Xixón", celebráu del 5 al 9 d'agostu, con dellos convidaos que mos contaron la situación que vive'l mundu de les bandes de gaites y de la música tradicional asturiana en xeneral.
Iniciativa pol Asturianu nes ondes emite un nuevu programa. El convidáu nesta ocasión ye Pablo Suárez, doctor en Filoloxía pola Universidá d'Uviéu, que fixo'l descomanáu llabor de tornar al asturianu la obra cimera de Cervantes "El Quixote".