Dempués d'un añu d'actividá, Iniciativa pol Asturianu sigue medrando ensin parar nes redes sociales. En Facebook más de 1.000 amigos yá mos siguen nes redes sociales, lo que supón cuasi 3 amigos nuevos cada día dende l'entamu de la páxina nesta rede. En Twitter, Iniciativa pol Asturianu ta cerca de los 750 siguidores, dempués de más de 2.100 tuits asoleyaos nesti tiempu.
El pautu ente PSOE, PP ya IX que ta acabante anunciase alredor de l’anovación de la dirección de la RTPA y pol qu'Antonio Virgili confírmase na dirección xeneral, un cargu nel que lleva en funciones dende 2011 "nun ye una bona noticia pa la llingua asturiana". "Una radiotelevisión asturiana tien sentíu siempres que seya una ferramienta vertebradora de la sociedá, divulgadora de la so realidá y normalizadora de les llingües d’Asturies. Lo contrario ye un marafundiu de perres inesplicable cuando cuntamos con una canal pública en castellán con desconexones p’Asturies, y con decenes de canales privaes", espliquen dende Iniciativa pol Asturianu.
La entida va collaborar esti xueves con una charra sobre l'asturianu
Un mes más Iniciativa pol Asturianu ufre a socios y simpatizantes de la organización un boletín informativu dixital nel que s'ufre información de l'actividá de la organización.
Ente les actividaes entamaes por Iniciativa pol Asturianu na Universidá Asturiana de Branu esti añu, tuvieron un puestu informativu y de venta de productos, delles folixes, concursu de karaoke y un programa de radio especial con Samuel Gradín, grabáu nel comedor de la UABRA cola participación d'Ana Cano, presidenta de l'ALLA, xunto a profesores como Marta Mori, Roberto González Quevedo o Pablo Rodríguez Medina, y alumnos d'estremaes procedencies, como Xapón, Austria o Canaries.
Esta selmana tamos en plena celebración de la Selmana de les Lletres Asturianes y taremos presentes en dellos actos con materiales nuevos pa siguir trabayando por llegar a la xente col nuesu mensaxe. El xueves 3, n'Avilés, convidaos a una clas d'asturianu na cai por Compromisu por Avilés, dellos miembros de la organización tuvieron na Plaza'l Parche dando a conocer la organización a los participantes nel actu y a la xente que taba pela plaza avilesina.
Tres l'anuncia de Los Verdes - Alianza Llibre Europea (EFA) d'una conferencia titulada "Radiodifusión en llingües minoritaries: ónde tamos, ónde tenemos de dir", Iniciativa pol Asturianu (IPA) quier anunciar que'l nuesu representante de Rellaciones Internacionales, Xosé B. Álvarez, va tar presente nel Parllamentu Européu p'asistir a la conferencia y presentar el programa de radio "Iniciativa pol Asturianu nes ondes" como un exemplu esitosu d'un proyectu basáu na radiodifusión nuna llingua minoritaria y en peligru.
Un mesa redonda titulada "¿Qué pasa cola llingua?" y convocada pol Atenéu Llibertariu d'Uviéu celebróse'l vienres 24 mayu en Ciudá Naranco y cuntó cola participación d'Inaciu Galán (presidente d'Iniciativa pol Asturianu), Iris Díaz (Reciella -- families pol asturianu), Dolfu Camilo Díaz (escritor y xestor cultural), y Miguel Rodríguez (Trafego). Na mesma aldericóse alredor del pasáu, presente y futuru de la reivindicación llingüística. Ufrimos agora videu completu de la charra.
Iniciativa pol Asturianu abre una nueva edición de cursos en dellos conceyos y a distancia. Los cursos duren 36 hores y cunten con un diploma d'aprovechamientu otorgáu pola Academia de la Llingua Asturiana pa l'alumnáu que supere'l cursu. Con dos niveles, dependiendo del conceyu, estos cursos van entamar el 7 de marzu y van durar hasta'l mes de mayu, dependiendo de los díes festivos de cada conceyu y de les circunstancies de cada cursu.
XIXÓN, 12/01/2021. Iniciativa pol Asturianu presentó güei la campaña 'Meyor noticia pal asturianu en 2020’ cola que la organización pretende escoyer, pente medies de la tradicional votación popular, la meyor noticia pa la llingua asturiana nel pasáu añu 2020. Dende...