Iniciativa pol Asturianu llamenta la oportunidá perdida pa la normalización del asturianu na nueva web institucional del Conceyu d'Avilés. El nuevu diseñu del portal estrenóse la selmana pasada n'internet con una versión en castellán y la promesa de dir ufiertando esos conteníos n'otres llingües, entamando pol inglés. Pa l'asociación, ye inaceptable que'l gobiernu municipal escaeza l'asturianu y arrenuncie a normalizar la llingua propia na rede, magar que cunta con un serviciu de normalización n'activu, la Estaya de la Llingua, que bien podría encargase d'esti trabayu.
Yá ta disponible un programa nuevu d'Iniciativa pol Asturianu nes ondes. Nesta ocasión el programa entama col editorial del Presidente de l'Asociación, Inaciu Galán, onde fala del entamu del movimientu de reivindicación llinguística modernu, que cumplió esti mes de payares cuarenta años.
Los V Cursos d'Asturianu en Xixón celebren el 10 d'avientu la so xornada de pieslle, pero enantes esti miércoles 3, ta programa una xornada con dos charres como formación complementaria pal alumnáu. Les charres ábrense al públicu col envís de dar a conocer los cursos d'asturianu d'Iniciativa pol Asturianu, organizaos xunto cola Academia de la Llingua Asturiana y el CUPA en Xixón.
La última edición del programa Iniciativa pol Asturianu nes ondes dedícase a falar fonderamente con Fernán Morán, unu de los entamadores del grupu abiertu "Llingua Asturiana", en Facebook.
Esti mes de payares cumpliéronse cuarenta años del entamu del movimientu de reivindiación llingüística modernu. El ñacimientu de Conceyu Bable en 1974 supunxo un cambiu importante na forma d’entender lo que ye la llingua asturiana, pasando de ser un elementu cásique namás folclóricu, a ser una seña d’identidá, una ferramienta pa espresase en tolos ámbitos de la vida, una llingua más y al mesmu tiempu la nuesa llingua, l’elementu más importante del nuesu patrimoniu cultural inmanterial.
Nuevu programa d'Iniciativa pol Asturianu nes ones. Nesta ocasión, Samuel Gradín entrevista a los responsables d'un cursu d'hestoria d'Asturies que se fai en Corvera a lo llargo d'estes selmanes. Esti taller va ser impartíu pol téunicu responsable del Serviciu de Normalización Llingüística de Corvera, Rafael Rodríguez Valdés, que ye Llicenciáu n'Hestoria pola Universidá d'Uviéu y Postgráu n'Archivística pola UNED. Con él falemos nel nuesu programa.
Dende Iniciativa pol Asturianu queremos felicitar a Izquierda Xunida pola so propuesta votada güei na Xunta Xeneral col envís de que se reconoza la especialidá docente de Llingua Asturiana, decisión que ta pendiente de l'aprobación del Ministeriu d'Educación y que yá cuntó col sofitu de toles fuercies n'otres ocasiones y apocayá, cola petición esplícita del Conseyu Escolar Estatal.
Hai unos díes conocíase en País de Gales la política llingüística de la marca de supermercaos Lidl, que prohibía a los sos emplegaos facer usu del galés con otros trabayadores, incluyendo los descansos, y colos clientes, a nun ser qu'estos nun pudieren falar inglés, daqué que va a la escontra de la llegalidá vixente nel país británicu. L'asociación "Cymdeithas yr Iaith Gymraeg" foi la responsable de denunciar esta situación, algamando una rápida rempuesta de la cadena alemana, que dixo que revisaría les sos polítiques.
Entamamos el nuesu programa "Iniciativa pol Asturianu nes ondes" d'esta selmana cola editorial del presidente d'Iniciativa pol Asturianu, Inaciu Galán, onde fala del despreciu, una vegada más, de los cimeros responsables de la RAE al nun camudar la definición del nuesu idioma nesti perimportanmte diccionariu por nidios perxuicios de calter políticu.
El programa radiofónicu Iniciativa pol Asturianu nes ondes emite estos díes na so rede de radios llocales un programa que tien por convidáu a Victor Borja González, encargáu d'iguar el blogue de creación recién "Asturianu pa toos".