La Xunta Direutiva d'Iniciativa pol Asturianu aconceyó de forma ordinaria en Xixón el pasáu sábadu 21 de xunetu. L'aconceyamientu sirvió pa facer repás de les actividaes y campañes entamaes a lo llargo de los meses pasaos. Aprobóse la celebración d'un conceyu cola Asociación de Trabayadores de Normalización Llingüística pal mes d'agostu, asina como la presencia en dellos actos y celebraciones, ente les que destaca la Universidá Asturiana de Branu de l'ALLA, onde se celebrarán delles actividaes.
Repitímoslo munches vegaes, los problemes del asturianu tán n’Asturies y nos nuesos representantes políticos, asina como pasa nel restu de territorios onde ye llingua propia. La oficialidá sigue siendo’l camín precisu pa poner en marcha un cambiu. Sicasí, pa Iniciativa pol Asturianu trabayar el campu internacional ye dende qu’entamamos el nuesu llabor, un trabayu imprescindible y al que pensamos que nun se pue renunciar. De mano porque la situación del asturianu nun ye única, y ye importante conocer la situación d’otres llingües en momentos asemeyaos del so procesu de normalización.
Esti sábadu 9 de mayu a les 20 hores, el salón d'actos del Centru Valey de Piedrasblancas, en Castrillón, va acoyer una edición más del festival poéticu "Pallabra nel mundu" nel que collabora Iniciativa pol Asturianu dende va trés años. Esti ye un festival que se celebra al mesmu tiempu en numberoses ciudaes del mundu.
Tres conocer la noticia de la muerte del músicu Elías García, dende Iniciativa pol Asturianu queremos amosar el nuesu pesar pola so partida y la reconocencia pol so compromisu col idioma y la cultura d’Asturies en tolos proyectos musicales...
Tercer programa de radio d'Iniciativa pol Asturianu nes ondes fechu na Universidá Asturiana de Branu (UABRA), en Cangas del Narcea, y onde tuvieron como convidaos la presidenta de l'Academia de la Llingua Asturiana, Ana Cano y el direutor de la UABRA Xosé Antón González Riaño, ente otros conteníos. El programa emítese en Radio Sele, Radio Ujo, AllerFM, Radio L.lena, Radio Kras, Radio Noreña, Radio Nava, Radio Alma (Bruseles)... y puede sentise tamién nes canales d'Iniciativa pol Asturianu en Ivoox y YouTube.
Iniciativa pol Asturianu nes ondes entrevista nesti casu a Toño Martínez, llicenciáu n'Hestoria, Master n'Hestoria y Analís Sociocultural y anguañu Doctorandu n'Investigaciones Humanístiques, ta preparando’l proyeutu d'investigación sobre Sidra, ociu y sociabilidá en Siero y Noreña (1875-1937) too ello na Universidá d'Uviéu.
La votación popular llevada alantre n’internet nes primeres selmanes del añu per parte d’Iniciativa pol Asturianu dio como “Meyor Noticia del Añu pal asturianu 2016” la proclamación d’oficialidá pal idioma fecha a mediaos del añu pasáu nel conceyu de Bimenes, que coincidía col venti aniversariu de la primer proclamación, echada entós abaxo pol Gobiernu d’España. La noticia recibió’l 27% de los votos, mui cerca de la que foi la segunda meyor noticia, col 26,6%, la emisión del documental “Llionés, la llingua llionesa”, producíu por RICI Comunicación y emitíu na televisión autonómica de Castiella y Llión.
Coincidiendo con esti Día Internacional de la Llingua Materna, que se celebra en tol mundu pa salvaguardar les más de 3.000 llingües que tán en dalgún tipu de peligru, presentemos un proyectu col que llevamos munchu tiempo suañando y col que queremos da-y más visibilidá al consumu de productos etiquetaos n’asturianu, al mesmu tiempu que concienciamos a los consumidores na importancia de mercar estos productos y servicios, sofitando a les empreses que tienen esti compromisu llingüísticu.
Carlos Barros, ex-direutor de Radio Parpayuela en Mieres esplica como pesllaron la emisora "pola falta sofitu de toles alministraciones", dientro d'una nueva edición del programa Iniciativa pol Asturianu nes ondes, con Samuel Gradín.
Iniciativa pol Asturianu denuncia esta situación y recuerda que la oficialidá evitaría estos casos de discriminación
UVIÉU, 21 DE XINERU DE 2020. Na mañana de güei y dientro del actu de llectura y defensa de la tesis doctoral «La llingua...