El sábadu pasáu, 10 de xineru, zarró’l plazu pa presentar candidatures a los Premios Timón 2015 entamaos pola Asociación Cultural L’Arribada. Feches públiques les nominaciones, Iniciativa pol Asturianu ta nesta ocasión nominada pal III Premiu Timón de Cultura Asturiana, un premiu empobináu a asociaciones, sociedaes y fundaciones con sede n’Asturies que tengan por fin la conservación y promoción de la identidá cultural de nueso.
Prestaríanos celebrar nesti xineru de 2015 un añu d’emisiones 100% n’asturianu na radiotelevisión pública. Pero magar los pasinos daos esti añu con unes mínimes esperiencies col doblaxe y la programación infantil, ente otros conteníos, la RTPA sigue siendo un mediu de comunicación estrañu, fuera de lo común nun territoriu con llingua propia. Gallegos, vascos, catalanes, baleares… toos tienen una televisión cola so llingua propia como llingua principal de la mesma.
Iniciativa pol Asturianu nes ondes aporta con un programa nuevu. Güei entamamos col editorial del Presidente d'Iniciativa pol Asturianu, Inaciu Galán. Darréu vamos sentir el reportaxe que ficimos n'Alderiques d'Asturies TV nel Muséu del Pueblu d'Asturies onde se presentó'l llibru dixital "Comedies de Sidros" (1876-1932). Tuvimos colos protagonistes.
Estes selmanes atrás l'Asociación de Trabayadores de la Normalización asoleyaba la murnia situación que viven los servicios de normalización llingüística puestos en marcha dende va más d'una década en dellos conceyos asturianos. Dende Iniciativa pol Asturianu solidarizámonos con estos trabayadores y pidimos tamién una situación estable de los servicios que permitan llevar a alantre polítiques llingüístiques organizaes y continuaes nel tiempu.
Coincidiendo col añu nuevu apurrimos trés nueves ediciones del programa Iniciativa pol Asturianu nes ondes, presentáu por Samuel Gradín. Trés programes que sonaron a lo llargo d'estes fiestes nes más d'una docena d'emisores asturianes que difunden el nuesu programa.
Iniciativa pol Asturianu quier denunciar la falta de sensibilidá del presidente d'Asturies, Javier Fernández, pa cola llingua y la cultura asturianes. El xefe del executivu asturianu dio esti miércoles 31 el so Mensaxe de Fin d'Añu televisáu y fízolo ensin tener en cuenta qu'una parte importante de los ciudadanos a los que gobierna tienen por llingua propia l'asturianu.
El pasáu 10 d'avientu pesllábense los V Cursos d'Asturianu en Xixón nun actu presidíu por Xosé Antón González Riaño, vicepresidente de l'Academia de la Llingua Asturiana. Nel actu intervinieron tamién, amás de los alumnos, Inaciu Galán, presidente d'Iniciativa pol Asturianu, y Sabel Tuñón y Teno Prau, vocal de Voluntariáu y ayalgueru, respectivamente.
Escomencipia un añu que va ser movíu no político, con delles convocatories electorales que van decidir la configuración del poder nos nuesos conceyos, nel gobiernu del país y nel del estáu. Too apunta a ver que van producise cambeos importantes cola apaición de fuercies polítiques nueves y la reconfiguración del repartu de votos.
Si nun te llega al corréu, yá puedes lleer les noticies de payares y avientu nel nuesu boletín informativu dixital.
Xuan Fernández Bas foi alumnu de los V Cursos d'Asturianu en Xixón y nel actu d'entrega de diplomes y pieslle de los mesmos, dio llectura a esti testu de so nel que fala de la so esperiencia cola llingua asturiana.