Iniciativa pol Asturianu nes ondes llega con nuevu programa enllenu de conteníos. Entamamos col Editorial del Presidente d'Iniciativa pol Asturianu, Inaciu Galán, que fai una reflexón al rodiu'l compromisu real de los partíos políticos pa col nuesu idioma asturianu. Darréu sintimos una entrevista fecha pol nuesu collaborador Xose B. Álvarez en Cardiff, capital del país de Gales, con Jaime Bevan, cabezaleru de l'Asociación "Cymdeithas yr Iaith", defensora del idioma galés dende cuantayá, onde facemos una comparanza ente'l galés y l'asturianu nel so desenvolvimientu llegal y futuru.
Iniciativa pol Asturianu quixo aprovechar el caberu conseyu pa facer constar nel acta que nos caberos cuatros años de xestión en Política Llingüística, nun se dio nengún pasu alantre en materia de normalización llingüística en Xixón. Amás, recordamos l'incumplimientu de la Ordenanza municipal d’usu del asturianu nel ámbitu del Conceyu de Xixón, aprobada’l 13 de payares de 2008.
Miles de persones percorrieron el camín que va dende la Estación del Norte d'Uviéu hasta'l Teatru Campoamor reivindicando la oficialidá de la llingua asturiana. Un añu más numberosos miembors d'Iniciativa pol Asturianu participaron con una pancarta que reclamaba "Queremos un futuru n'asturianu. Normalización. Dignidá. Oficialidá", amás de col repartu de folletos informativos y chapes pola oficialidá, que fueron mui bien acoyíes.
Inaciu Galán, presidente d'Iniciativa pol Asturianu fizo un llamáu a participar na Manifestación pola Oficialidá del asturianu esti vienres 8 de mayu pela mañana, na Casa Conceyu de Castrillón, onde taba convidáu en representación d'Iniciativa pol Asturianu.
Esti vienres 8 de mayu la sociedá asturiana vuelve a salir a la cai por mor del Día de les Lletres Asturianes pa reclamar la oficialidá del asturianu. Dende Iniciativa pol Asturianu volvemos a sofitar un añu más esta manifestación, participando de la marcha. Esti añu la cercanía de les elecciones fai especialmente importante la convocatoria, yá que ye necesario dexar nidio a los partíos políticos la necesidá d’actuar yá sobre la situación de perda idiomática y falta de drechos civiles que vivimos n’Asturies.
Esti vienres 8 de mayu los asturianos y asturianes volvemos a salir a la cai pa reivindicar la reconoencia del estatus llegal d'oficialidá pal idioma nel Día de les Lletres Asturianes. Dende Iniciativa pol Asturianu volvemos a sofitar un añu más esta manifestación, participando de la marcha y animando a tolos nuesos socios, simpatizantes y en xeneral, a la sociedá asturiana, a llevantar la voz pola so llingua, cada añu más en peligru, nesti actu festivu y reivindicativu que llenará les cais de la capital asturiana.
Iniciativa pol Asturianu va participar na convocatoria del Conseyu Asesor de la Llingua asturiana del Conceyu de Xixón, que va celebrase'l viniente xueves 7 de mayu. Una convocatoria que la organización reclamó que se celebrara talo y como afiten los estatutos. Dende Iniciativa pol Asturianu entendemos que, magar teamos nes caberes selmanes del mandatu del actual Conceyal, Carlos Rubiera, ye importante trabayar hasta l'últimu minutu en midíes a favor del asturianu.
Esti sábadu 9 de mayu a les 20 hores, el salón d'actos del Centru Valey de Piedrasblancas, en Castrillón, va acoyer una edición más del festival poéticu "Pallabra nel mundu" nel que collabora Iniciativa pol Asturianu dende va trés años. Esti ye un festival que se celebra al mesmu tiempu en numberoses ciudaes del mundu.
Iniciativa pol Asturianu celebrará la so Xunta Xeneral de socios el 30 de mayu. La Xunta Xeneral celébrase tien cada trés años calter plebiscitariu, cola votación de la nueva xunta direutiva de la organización.
Iniciativa pol Asturianu nes ondes tien preparáu un programa especial por mor de Selmana de les Lletres Asturianes con entrevista a David Guardado, presidente de l'asociación Reciella, families pol asturianu.