Inaciu Galán escoyíu nel so segundu y últimu mandatu como presidente de la organización
Iniciativa pol Asturianu celebró na tarde de güei, sábadu 30 de mayu, el so segundu Congresu. La votación de los socios renovó como presidente al periodista y escritor Inaciu Galán, como secretariu al periodista Rubén Martín-Llames como secretariu y a Teno Prau como ayalgueru.
Renueven otros vocales, como Xosé B. Álvarez, en Rellaciones Internacionales o Alex Ordiales, como Vocal d’Imaxe, abriendo tamién nueves estayes de trabayu, tales como Medios de Comunicación, dirixida por Iván Llera Huerta; Enseñu, que van llevar Fonsu Martín, Alba Llaneza Carrio y Claudia Elena Menéndez, David Valdés Llozanu en cuestiones venceyaes al deporte o Samuel Gradín que coordina la radio y televisión d’Iniciativa pol Asturianu.
Javier Cubero, al frente d’Aición Social, Marisa Bordallo al frente del activismu en redes sociales, Xuan Fernández Bas en Formación, Pablo Arce colos asturianos nes esterior, Mario César González al cargu de los asuntos venceyaos a la toponimia o Xesús Nel Muñiz, al frente de les actividaes musicales, son otros de los nomes nuevos na directiva, que pasa de tener diez miembros a superar los venti, cola intención d’ampliar la implantanción social de la organización.
Nel congresu presentóse la Memoria de Trabayu del añu 2014, onde s’esplica’l llabor fechu hasta’l momentu. Amás punxéronse les bases al trabayu de los meses vinientes cola aprobación d’una Fueya de Ruta presentanda pola nueva directiva.
Iniciativa pol Asturianu ñació nel mes d’ochobre de 2011 y dende entós vien poniendo la so voz na reivindación llingüística, denunciando casos de discriminación y llevando a cabu avances al traviés de la reivindicación, la negociación y la collaboración con otres entidaes públiques y privaes.
Llistáu completu de la nueva direutiva:
Presidente – Inaciu Galán y González
Secretariu – Rubén Martín-Llames
Ayalgueru – Teno Prau Tuñón
Vocalía de Rellaciones Internacionales – Xosé B. Álvarez
Vocalía d'Imaxe – Alex Ordiales García
Vocalía de Voluntariáu – Sabel Tuñón Ces
Vocalía d'Enseñu
(Estaya de Primaria)- Alba Llaneza Carrio
(Estaya de Secundaria y Bachilleratu) – Fonsu Martín Sánchez
(Estaya d’Universidá) – Claudia Elena Menéndez Fernández y Darío de Dios
Vocalía de Proyeutos Audiovisuales – Samuel Gradín
Vocalía de Medios de Comunicación – Iván Llera Huerta
Vocalía d'Activismu en Redes – Marisa Bordallo Presa
Vocalía d'Aición social – Javier Cubero de Vicente
Vocalía Formación – Xuan Fernández Bas
Vocalía Deportes – David Valdés Llozanu
Vocalía Asturies Esterior – Pablo Arce García
Vocalá d'Actividaes Musicales – Xesús Nel García Muñiz
Vocalía d'Artes Escéniques – Laura Iglesia San Martín
Vocalía de Toponimia – Mario César González
Vocal (Uviéu) Xurde Menéndez Caravia
