Iniciativa pol Asturianu quier denunciar les declaraciones del PP d’Asturies y de la so presidenta Mercerdes Fernández, que presume nuna nota de prensa de llograr “que el castellano sea la única lengua del Parlamento en Asturias”, una acción que ye ensin dulda nenguna una discriminación, pa la que los populares cuntaron cola ayuda del votu favoratible del PSOE y C’s, que se sumaron a la votación pa evitar que les convocatories pa la Comisión sobre la situación del asturianu na Xunta Xeneral pudieran dir en billingüe.
Con él falaremos del so llabor como Presidente de la Fundación Caveda y Nava qu'el pasáu día 1 d’avientu del 2015 acordó poner puntu final a la so andadura como entidá de defensa de la llingua asturiana. Esti determín tomóse al entender que les circunstancies que xustificaron el crease camudaron sustancialmente, de manera que la so misión pue dase por cumplida, pues la so función dexó de tener el sentíu que tuvo nel so día.
Ana Cano, presidenta de l’Academia de la Llingua Asturiana foi entrevistada por Samuel Gradín, Pablo Guardado ya Inaciu Galán al rodiu de la situación de la llingua asturiana y les cuestiones que cinquen a la so actualidá.
Iniciativa pol Asturianu abre una nueva edición de cursos en dellos conceyos y a distancia. Los cursos duren 36 hores y cunten con un diploma d'aprovechamientu otorgáu pola Academia de la Llingua Asturiana pa l'alumnáu que supere'l cursu. Con dos niveles, dependiendo del conceyu, estos cursos van entamar el 7 de marzu y van durar hasta'l mes de mayu, dependiendo de los díes festivos de cada conceyu y de les circunstancies de cada cursu.
Iniciativa pol Asturianu denuncia l'ausencia de midíes favoratibles a la llingua na RTPA cuando se cumplen 100 díes del alcuerdu ente PSOE, PP ya IX pa caltener a Antonio Virgili como director xeneral. La organización de defensa de los derechos llingüísticos alvierte de que'l porcentaxe d'emisiones na llingua propia nun medró nin nestos 100 díes nin nos más de seis meses dende que PSOE ya IX alcordaron incrementar la presencia del asturianu nos medios de comunicación de titularidá pública a cambiu de facer presidente a Javier Fernández.
El Conceyu de Parres aprobó, colos votos a favor de tolos grupos políticos del (PSOE, Foro, PP ya IU) la vuelta del topónimu castellanizáu “Arriondas” xunto al popular y tradicional Les Arriondes, recuperáu como oficial en 2009 por decisión del propiu Conceyu, nel plenu y ensin allegaciones de nengún tipu a la decisión.
Dientro de la política d'Iniciativa pol Asturianu de difundir de la meyor manera posible la situación del asturianu y el trabayu de la organización, llegóse a un alcuerdu cola revista Fusión Asturias, que lleva más de venti años y 261 númberos nos quioscos d'Asturies, pa incluyir una páxina mensual con informació y artículos alredor del asturianu y l'actualidá de la revidincación llingüística.
Pola mor de les anuncies asoleyaes na prensa nos caberos díes, sobre la rotulación incorreuta del barriu avilesín de Llaranes col nome de “Llanares Viejo”. Dende Iniciativa pol Asturianu queremos recorda-y a la corporación del Conceyu d'Avilés que l’únicu topóniminu oficial ye “Llaranes”, nun esistiendo “Llanares/Llaranes Viejo”. Como bien recoyío nel BOPA del día 4-XII-2010, aprobao por Presidencia d'Asturies el 24 de payares de 2010, dempués de la petición del propiu Conceyu.
La nuesa solicitú pasa porque los nomes tradicionales y agora oficiales de los pueblos y ciudaes d’Asturies apaezan de forma automática, y nun dependan de la voluntá del funcionariu de turnu, que se-y permita al ciudadanu llevar o non el nome correctu del so llugar. Amás, solicitamos que, igual qu’ocurre n’otros territorios con llingua propia, el DNI vaya redactáu en billingüe (asturianu/castellán) una reivindicación que dellos ciudadanos ficieron yá nes comisaríes d’Asturies y que sigue ensin respuesta.
Un rapaz va a la comisaría a renovar el DNI y pide que se cumpla la llei nel mesmu, que’l nome del so pueblu seya’l que ye na llegalidá vixente: Llangréu, nesti casu, pero pasa en munches ocasiones, silenciaes les más d’elles.