Va unes selmanes Iniciativa pol Asturianu solicitaba de forma oficial que se dedicara n'Uviéu una cai al escritor clásicu de les Lletres Asturianes, Xuan María Acebal. Pocos díes dempués el conceyal d’Interior, Iván Álvarez López, confirmó que Xuan María Acebal tendrá una cai na ciudá y una placa na so casa de nacencia.
Esti mes saltó la noticia, una noticia vieya en realidá: Los llibros de testu de castellán, de cásique toles editoriales, tán enllenos de mentires y prexuicios llingüísticos contra la llingua asturiana. La Conseyería d'Educación respuende diciendo que tomará midíes, anque nun dicen qué midíes. ¿Cómo ye posible que dempués de tantos años col asturianu nos currículos nun se tomaren yá midíes?
Iniciativa pol Asturianu entama los díes 3 y 17 d’ochobre la segunda edición del so Club de Llectura n’asturianu. La obra a la que tará dedicáu esta vegada va ser “Los solevaos de la Bounty”, de Jules Verne (torna de Xesús González Rato).
El primer programa foi un “derbi” ente aficionaos del Real Sporting de Xixón y Real Uviéu. El programa emítese tolos sábados a les 19h. y los domingos a les 18h en redifusión. Nel segundu programa hebo una entrevista al conseyeru d'Educación y Cultura, qu'ufrimos nesta entrada.
La estaya mensual d'Iniciativa pol Asturianu del mes de setiembre na revista Fusión Asturias yá ta nos quioscos y nesti casu ta dedicada a la lliteratura, colos microrrellatos ganadores del concursu "Entaína a escribir".
Con motivu de la creación de delles nueves cais nel conceyu d’Uviéu dende Iniciativa pol Asturianu treslladamos tanto a l’Alcaldía como a los estremaos grupos municipales una propuesta pa qu'una d’elles seya nomada como Xuan María Acebal n'alcordanza y homenaxe del escritor en llingua asturiana del nuesu sieglu XIX, que pol so rigor llingüísticu y altor lliterariu, foi nomáu na so dómina como «Príncipe de los poetes asturianos».
Dientro del programa de cursos d'Iniciativa pol Asturianu pa los meses de la seronda y l'iviernu, nel que s'incluyen cursos en dellos conceyos y a distancia, la entidá organiza esti añu un cursu de creación lliteraria que va impartir la escritora Vanessa Gutiérrez.
Nel programa d'esti mes de setiembre vamos facer un "Especial UABRA (Universidá Asturiana de Branu) 2016" que se celeebró'l pasáu mes d'agostu en Cangas del Narcea.
El casu conocíu estos díes nel qu'una voluntaria a la qu'espulsaron d'un grupu animalista por usar l'asturianu nun pue tener más que'l nuesu refugu absolutu. Ye una cuestión de drechos civiles que ta bien clara mesmo na Declaración Universal de los Drechos Humanos, que nel ordenamientu xurídicu estatal y asturianu.
La estaya mensual d'Iniciativa pol Asturianu del mes d'agostu na revista Fusión Asturias yá ta nos quioscos con delles noticies alredor de l'actividá de la organización.