Esti llunes a les doce menos cuartu la mañana va entamar una sección nel programa "La radio es mía", nel que collabora Iniciativa pol Asturianu. Diego Solís, miembru de la organización, va ser l'encargáu de faer un repás cada llunes a les actividaes culturales venceyaes a la llingua asturiana que van tener llugar a lo llargo la selmana.

Presentaciones de llibros, recitales, películes, xornaes culturales, encamientu de llibros y discos… Tola cultura espresada n'asturianu va tener espaciu nesta sección selmanal. Los colectivos y persones interesaes en dar a conocer actos culturales nesti sen pueden apurrir los datos al nuesu corréu info@s806295988.mialojamiento.es col tema "axenda cultural" en cualesquier momentu de cada selmana.