Un ciudadanu denunció esti xueves nel Centru Municipal de L’Arena, en Xixón, la falta de la documentación precisa pa participar nel procesu de presupuestu participativu abiertu pol Conceyu de Xixón. El ciudadanu solicitó a la funcionaria responsable de la votación la documentación necesaria pa informase y votar n’asturianu, y tres buscar esta documentación, respondió-y esplicándo-y que nun cuntaba con ella. La documentación disponible non solo nun taba a disposición de la ciudadanía n’asturianu, sinón qu’incumplía col usu de la toponimia oficial entamando pel propiu nome del procesu, onde namás apaecía la versión deturpada “Gijón”.
Iniciativa pol Asturianu conviértese en miembro de plenu derechu del Conseyu de la Mocedá de Xixón
Una xunta celebrada esti llunes 17 d’ochobre decidió por unanimidá aceptar a Iniciativa pol Asturianu como miembru de plenu drechu del Conseyu de la Mocedá de Xixón, la federación d’asociaciones xuveniles de Xixón.
Gonzalo Pumares, miembru del grupu folk asturianu Cerezal col que charraremos fonderamente de los sos trabayos musicales amás de sentir un cantar del so discu "Camín"
L’asociación Iniciativa pol Asturianu abre un procesu selectivu del que saldrá la escoyeta del personal técnicu de la entidá. El procesu va cuntar con una comisión selectiva formada por miembros de la entidá, que van convocar a una entrevista a los candidatos preseleccionaos.
Dientro del programa de cursos d'Iniciativa pol Asturianu pa los meses de la seronda y l'iviernu, nel que s'inclúin cursos en dellos conceyos y a distancia, la entidá organiza esti añu un cursu elemental de llingua asturiana na parroquia maliayesa de Quintes en collaboración cola S.C.R. Clarín.
Iniciativa pol Asturianu tien abiertu'l plazu hasta'l domingu 16 d’ochobre p'apuntase a los cursos d'asturianu presenciales y a distancia entamaos en collaboración cola Academia de la Llingua Asturiana y otres entidaes en Xixón, Uviéu, Avilés, Parres, L.lena, Llangréu, Mieres y Villaviciosa.
Va unes selmanes Iniciativa pol Asturianu entregaba al traviés de rexistru una carta y un llibru esplicativu del procesu de creación del que va ser un documentu internacional de gran importancia pa les llingües minorizaes, del que la entidá foi representante n’Asturies y que va aprobase en Donostia enantes de que remate l’añu 2016.
Va unes selmanes Iniciativa pol Asturianu solicitaba de forma oficial que se dedicara n'Uviéu una cai al escritor clásicu de les Lletres Asturianes, Xuan María Acebal. Pocos díes dempués el conceyal d’Interior, Iván Álvarez López, confirmó que Xuan María Acebal tendrá una cai na ciudá y una placa na so casa de nacencia.
Esti mes saltó la noticia, una noticia vieya en realidá: Los llibros de testu de castellán, de cásique toles editoriales, tán enllenos de mentires y prexuicios llingüísticos contra la llingua asturiana. La Conseyería d'Educación respuende diciendo que tomará midíes, anque nun dicen qué midíes. ¿Cómo ye posible que dempués de tantos años col asturianu nos currículos nun se tomaren yá midíes?
Iniciativa pol Asturianu entama los díes 3 y 17 d’ochobre la segunda edición del so Club de Llectura n’asturianu. La obra a la que tará dedicáu esta vegada va ser “Los solevaos de la Bounty”, de Jules Verne (torna de Xesús González Rato).