El wikireporteru Juan Sebastian Quintero Santacruz entrevistó a, Inaciu Galán, presidente d'Iniciativa pol Asturianu pa les páxines d'información Wikinoticias (versión en castellán) y Vikinovaĵoj (versión n'esperantu) con motivu del Día Internacional de la Llingua Materna.
Iniciativa pol Asturianu aporta col editorial del Presidente d'Iniciativa pol Asturianu, Inaciu Galán, que fai una reflexón al rodiu les declaraciones de la cabezalera del PP n'Asturies, Mercedes Fernández "Cherines".
Nel programa d'esta selmana vamos tener una charra con dos persones al mesmu tiempu pa falar d'un curtiu n'asturianu que se grabó apocayá: "Ad-vientu".
“Prohibir usar l’asturianu pa falar del asturianu nel parllamentu asturianu”. Sedría una situación cola que podríemos echar unes rises de nun ser porque la propuesta de los populares consiguió los votos favorables de la FSA-PSOE, Foro y Ciudadanos, esto ye, la mayoría del Parllamentu asturianu, y polo que supón d’ataque a los dechos civiles de los asturianos y sobre manera, al autoestima de los y les asturfalantes.
Más de 2.000 persones roblaron yá la petición colgada por Iniciativa pol Asturianu en Change.org pa pidir una rectificación na prohibición d'usar l'asturianu na Xunta Xeneral. Les declaraciones de Mercerdes Fernández, presidenta del PP d'Asturies, celebrando la prohibición del usu en fabor del castellán, amburaron les redes sociales estos díes, y les firmes siguen medrando.
Iniciativa pol Asturianu quier denunciar les declaraciones del PP d’Asturies y de la so presidenta Mercerdes Fernández, que presume nuna nota de prensa de llograr “que el castellano sea la única lengua del Parlamento en Asturias”, una acción que ye ensin dulda nenguna una discriminación, pa la que los populares cuntaron cola ayuda del votu favoratible del PSOE y C’s, que se sumaron a la votación pa evitar que les convocatories pa la Comisión sobre la situación del asturianu na Xunta Xeneral pudieran dir en billingüe.
Con él falaremos del so llabor como Presidente de la Fundación Caveda y Nava qu'el pasáu día 1 d’avientu del 2015 acordó poner puntu final a la so andadura como entidá de defensa de la llingua asturiana. Esti determín tomóse al entender que les circunstancies que xustificaron el crease camudaron sustancialmente, de manera que la so misión pue dase por cumplida, pues la so función dexó de tener el sentíu que tuvo nel so día.
Ana Cano, presidenta de l’Academia de la Llingua Asturiana foi entrevistada por Samuel Gradín, Pablo Guardado ya Inaciu Galán al rodiu de la situación de la llingua asturiana y les cuestiones que cinquen a la so actualidá.
Iniciativa pol Asturianu abre una nueva edición de cursos en dellos conceyos y a distancia. Los cursos duren 36 hores y cunten con un diploma d'aprovechamientu otorgáu pola Academia de la Llingua Asturiana pa l'alumnáu que supere'l cursu. Con dos niveles, dependiendo del conceyu, estos cursos van entamar el 7 de marzu y van durar hasta'l mes de mayu, dependiendo de los díes festivos de cada conceyu y de les circunstancies de cada cursu.
Iniciativa pol Asturianu denuncia l'ausencia de midíes favoratibles a la llingua na RTPA cuando se cumplen 100 díes del alcuerdu ente PSOE, PP ya IX pa caltener a Antonio Virgili como director xeneral. La organización de defensa de los derechos llingüísticos alvierte de que'l porcentaxe d'emisiones na llingua propia nun medró nin nestos 100 díes nin nos más de seis meses dende que PSOE ya IX alcordaron incrementar la presencia del asturianu nos medios de comunicación de titularidá pública a cambiu de facer presidente a Javier Fernández.