Nel programa d'esti mes cuntamos con trés convidaos. Entamamos col Editorial de Xose Benito Álvarez, rellaciones internacionales d'Iniciativa pol Asturianu que mos fala de les consecuencies del percélebre "Brexit" pa les llingües minorizaes nel Reinu Xuníu.
Esti sábadu 2 de xunetu la Casa Conceyu de Bimenes celebró un plenu hestóricu nel que por unanimidá de tolos grupos políticos declaróse la oficialidá del asturianu nes llendes de Bimenes. Ye la segunda vegada que se declara la oficial a la llingua asturiana. La primera, en 1997, acabó cola derogación de la oficialidá per parte de los tribunales, tres la presentación d'una demanda per parte del Gobiernu d'España.
Estos díes va celebrase en Bimenes la Fiesta la Oficialidá. Cúmplense venti años de les declaraciones d’oficialidá que dellos conceyos asturianos fixeron en sofitu a la reclamación de que l’asturianu fuere llingua oficial nel Estatutu d’Autonomía, naquella llamentable reforma de 1998.
Iniciativa pol Asturianu va tener puestu informativu y de venta de productos na Fiesta de la Oficialidá de Bimenes, como vien siendo vezu nos últimos años. Sedrá'l próximu sábadu, 2 de xunetu, a lo llargo de tola xornada. Con esta presencia Iniciativa pol Asturianu quier siguir dándose a conocer ente los habitantes del conceyu de Bimenes, asina como sofitar la declaración d'oficialidá de Bimenes, que cumple yá venti años y que va renovase esti añu.
La estaya mensual d'Iniciativa pol Asturianu del mes de xunu na revista Fusión Asturias recueye un artículu que recuerda los 40 años de manifestaciones pol asturianu que se cumplieron esti mesmu mes, asina como una noticia alredor de la manifestación pola oficialidá del Día de les Lletres 2016.
Los díes 23 y 24 de xunu Iniciativa pol Asturianu va participar nun alcuentru européu dedicáu a compartir actividaes entamaes por entidaes en defensa y promoción de llingües europees amenzaes. Sedrá nuna alcuentru que se fai dientro de los actos de Donostia, capital europea de la cultura 2016 y va axuntar a decenes d’entidaes de toa Europa n’Hernani embaxo’l nome "Hitzargiak-Llingües que s’allumen unes a otres".
Los alcuerdos ente la FSA-PSOE ya Izquierda Xunida incluyíen una meyora de la precaria situación del asturianu na RTPA, pero les convocatories acabante asoleyar pola RTPA pal procesu de selección de los nuevos cargos directivos demuestren que nada se ta cumpliendo nesti ámbitu, pues nin la conocencia del asturianu nin el trabayu nesti ámbitu se tienen en cuenta nes bases regulardores pa escoyer al nuevu xefe d'informativos y deportes, xefe de medios dixitales y xefe d'antena.
Ufrimos equí les pallabres de pieslle al actu del Día de les Lletres Asturianes en Madrid celebráu nel Centru Asturianu de Madrid esti sábadu 11 de xunu de 2016, pronunciaes por Inaciu Galán, presidente d'Iniciativa pol Asturianu.
El sábadu 11 de xunu Iniciativa pol Asturianu recuperó la celebración del Día de les Lletres Asturianes en Madrid en collaboración col Centru Asturianu de Madrid. L’actu entamó coles pallabres de Valentín Martínez-Otero, presidente del Centru, que recordó’l sofitu de la entidá asturiana en Madrid a la cultura y la llingua asturiana y agradeció a Iniciativa pol Asturianu la convocatoria de la celebración.
Contautamos con Alba López Carballo, del Club Popular de Cultura Llaranes, cola qu'afondamos nes actividaes que faen nesti pobláu averáu a la ciudá d'Avilés. Y rematamos el nuesu programa con una charra perprestosa con Xuan Xosé Sánchez Vicente, veteranu políticu asturianu que mos cuntará cómo se vivió aquella primer manifestación "Bable nes Escueles" de fai cuarenta años y el procesu de la introducción del asturianu nel primer Estatutu d'Autonomía d'Asturies.