El próximu sábadu, 22 d'avientu, Iniciativa pol Asturianu va entregar los carnés a los nuevos socios y socies de la organización.
L’eventu sedrá de magar les 20:00 hores na Casa’l Chinu (Plaza de la Soledá, 7, Cimavilla,Xixón).
Pretendemos que seya un...
Inaciu Galán y Vítor Suárez, miembros de la dirección d’Iniciativa pol Asturianu aconceyaron esti llunes 29 d’ochobre cola diputada de Foru Asturies, Carmen Sela Fernández, en sede parllamentaria. Asina mesmo, esti miércoles 31 aconceyaron tamién, siguiendo cola so rolda de contautos con les fuercies polítiques asturianes, col senador d’Izquierda Xunida d’Asturies Jesús Iglesias y la diputada del grupu parllamentariu d'IX na Xunta Xeneral, Emilia Vázquez. Los conceyos xiraron alredor de l’actualidá del idioma y nél la organización fizo delles propuestes a dambes formaciones polítiques.
Iniciativa pol Asturianu pon a disposición de les families y de la comunidá educativa dos modelos de carta a los Reis Magos en llingua asturiana, col envís de que los neños y neñes puedan escribir y unviar los sos...
La militancia de la organización audirá a la "Espicha FIG 2012" pa informar a los maliayos al rodiu de l'actividá del nuesu coleutivu y p'animalos a tomar la iniciativa pol asturianu. Amás taremos d'estrenu, ya que los asistentes tendrán la oportunidá de facese con un mapa de la división parroquial d'Asturies -col so nome tradicional- a un preciu de solo 5€.
Escomencipia un añu que va ser movíu no político, con delles convocatories electorales que van decidir la configuración del poder nos nuesos conceyos, nel gobiernu del país y nel del estáu. Too apunta a ver que van producise cambeos importantes cola apaición de fuercies polítiques nueves y la reconfiguración del repartu de votos.
Repitímoslo munches vegaes, los problemes del asturianu tán n’Asturies y nos nuesos representantes políticos, asina como pasa nel restu de territorios onde ye llingua propia. La oficialidá sigue siendo’l camín precisu pa poner en marcha un cambiu. Sicasí, pa Iniciativa pol Asturianu trabayar el campu internacional ye dende qu’entamamos el nuesu llabor, un trabayu imprescindible y al que pensamos que nun se pue renunciar. De mano porque la situación del asturianu nun ye única, y ye importante conocer la situación d’otres llingües en momentos asemeyaos del so procesu de normalización.
El gobiernu del Conceyu d'Uviéu aprobó estos díes una modificación del so Reglamentu Orgánicu de Gobiernu y Alministración y de magar estos díes, tal y como diz agora'l testu: «tendráse por válido a tolos efectos l'usu del bable/asturianu nes comunicaciones orales o escrites de los ciudadanos».
Por mor del nuevu horariu de branu del Conseyu de Mocedá de Xixón onde l'asociación tien el so serviciu d'atención, vémonos obligaos a camudar l'habitual horariu de tarde al de mañana.
El nuevu horariu va ser de llunes a vienres...
Esti mes pasáu vimos como los contactos institucionales entamaos por Iniciativa pol Asturianu colos diputaos asturianos el pasáu mes de febreru nel Congresu de los Diputaos teníen los sos frutos en forma de dos enmiendes a los Presupuestos Xenerales del Estáu, d’Izquierda Xunida y Foru, reclamando la inclusión d’una partida pa l’Academia de la Llingua Asturiana n'ellos.
Iniciativa pol Asturianu participó na convocatoria del Conseyu Asesor de la Llingua asturiana del Conceyu de Xixón, del que ye miembru dende la última modificación de los estatutos. La entidá fizo delles propuestes a lo llargo del conceyu, tales como la fecha al conceyal Carlos Rubiera, presidente del Conseyu, de facer una política de billingüismu total, usando l'asturianu xunto al castellán en tolos materiales de la so conceyalía, que nun recibió'l preste de Rubiera.