El Defensor Universitariu, Ramón Durán, univó una carta con encamientos al Rector de la Universidá d’Uviéu, Vicente Gotor, col envís de que les situaciones de marxinación por usu del asturianu na institución dexen de producise. La carta ye clara, l’equipu rectoral tien que modificar el Reglamentu d’usu del asturianu nel Rexistru, acordies colo yá espresao pol Tribunal Superior de Xusticia d’Asturies.
Pablo Xuan Manzano, miembru de l’Academia de la Llingua Asturiana, inauguró los VI Cursos d'Asturianu en Xixón agradeciendo a lniciativa pol Asturianu'l llabor fechu na formación de cientos de persones nel usu del idioma d'Asturies, nun actu nel que tamién participaronJavier Cubero, del Conceyu Universitariu pol Asturianu ya Inaciu Galán, presidente d’Iniciativa pol Asturianu.
La Compañía Asturiana de Comedies, el grupu teatral con más años al llombu, celebra los cien años del xéneru conocíu como teatru costumista asturianu o teatru asturianu y de la so propia actividá nesti ámbitu, con una esposición na que collabora Iniciativa pol Asturianu. La esposición, asina como'l programa d'actividaes ye billingüe n'asturianu y castellán.
Dende Iniciativa pol Asturianu queremos felicitar a Izquierda Xunida pola so propuesta votada güei na Xunta Xeneral col envís de que se reconoza la especialidá docente de Llingua Asturiana, decisión que ta pendiente de l'aprobación del Ministeriu d'Educación y que yá cuntó col sofitu de toles fuercies n'otres ocasiones y apocayá, cola petición esplícita del Conseyu Escolar Estatal.
El plenu del Conceyu d'Uviéu recibió güei la propuesta que yá se llevare a la Comisión d'Economía ya Infraestructures. La moción, presentada por Izquierda Xunida, cuntó colos votos a favor de PP y PSOE y l’abstención de Foro, amás del votu a en contra del conceyal non adscritu Pedro Manuel Fernández Ruiz, que fizo un discursu contrariu a la normalización del asturianu llegando a dicir qu'esta iniciativa "no hará más que complicar la vida a los ciudadanos", frente a un consensu xeneral a favor de la llingua, que supunxo 21 votos a favor, 4 abstenciones y namás 1 votu en contra.
Dientro del marcu de la Capitalidá Europea de la Cultura, Donostia 2016, va redactase y proclamase un Protocolu pa la Garantía de los Drechos Llingüísticos, coincidiendo col 20 aniversariu de la Declaración Universal de los Drechos Llingüísticos. Pa ello, ta faciéndose una rolda de contactos, que tien n'Asturies y pa tol dominiu llingüísticu a Iniciativa pol Asturianu como entidá representante y organizadora, pola nuesa pertenencia a la organización europea ELEN (Rede Europea d'Igualdá Llingüística)
Na tarde del pasáu 4 de marzu inauguróse n'Uviéu'l primer Cursu d'Asturianu d'Iniciativa pol Asturianu. Ufrimos equí les pallabres d'apertura a les que dio llectura Inaciu Galán, presidente de la organización, que xunto al presidente del Conseyu de Mocedá del Principáu d'Asturies, Marcelino Sánchez, inauguraron el cursu.
La llingua asturiana vista dende la perspectiva d'una asturiana a la que-y toca vivir lloñe d'Asturies, en Castelló. Cristina Álvarez Villanueva participó esti añu nos IV Cursos d'Asturianu en Xixón, a distancia, y estes son les sos reflexones, qu'agora compartimos.
Inaciu Galán, presidente d'Iniciativa pol Asturianu faló nel diariu El Comercio de l'actividá de la organización y del presente y futuru del idioma. Recoyemos les entrugues y respuestes que cinquen a esta cuestión.
Iniciativa pol Asturianu rexistró una reclamación ayeri al Conceyu de Cangas del Narcea mostrando’l so malestar pol incumplimientu de la toponimia na cartelería de los conciertos pa conmemorar los mil años del entamu de la construcción del Monasteriu de...