Iniciativa pol Asturianu, el Conceyu Universitariu pol Asturianu (CUPA) y l’Academia de la Llingua Asturiana (ALLA) van entregar los diplomes acreitativos del III Cursu d’Asturianu en Xixón esti martes 4 de febreru a partir de les 19 hores, nel Salón d’Actos del Conseyu de la Mocedá de Xixón (Avenida Manuel Llanez 68, baxu), cola participación de los alumnos, que van dar llectura a dellos testos, tocar dalgunos instrumentos y hasta ver dalgunos vídeos d’alumnos que siguieron el cursu a distancia dende l’estranxeru. Nel actu van participar tamién, representantes de les asociaciones y Xosé Antón González Riaño, miembru de l’Academia, que va dar los diplomes a los más de trenta alumnos inscritos, ente presencial y a distancia.
La Vocalía d’Enseñu d’Iniciativa pol Asturianu súmase a les movilizaciones organizaes polos docentes de llingua asturiana pa lluchar contra la desapaición de l’asignatura del sistema educativu. La cabezalera de la vocalía, María Díaz Suárez, participó na xunta de docentes organizada por SUATEA’l martes pasáu, onde se dedició poner en marcha delles acciones.
Un informe presentáu pola organización internacional European Language Equality Network (ELEN), de la que forma parte Iniciativa pol Asturianu como entidá representante de la llingua asturiana, lleva a la Oficina del Altu Comisionáu de los Drechos Humanos de la Organización de les Naciones Xuníes (ONX) la situación de violación de drechos humanos llingüísticos que viven n'Asturies los asturfalantes.
Iniciativa pol Asturianu nes ondes llega una selmana más. Entamamos falando con Xurde Álvarez, escritor de Llangréu, que vien d'asoleyar la so última obra col nome de "Lo escrito nel silenciu".
En respuesta a lo dicho estos díes pol Ministeriu de Fomentu dempués de qu'un diputáu d'Izquierda Xunidá ficiera una entruga per escrito al mesmu por petición d'Iniciativa pol Asturianu, la organización denuncia que'l Ministeriu de Fomentu manipula la llexislación al so favor. Si bien l'asturianu nun ye oficial, la toponimia tradicional recuperada y aprobada pol Gobiernu d'Asturies sí que tien esi rangu, y ye d'usu obligáu pa tolos estamentos públicos, incluyíu'l Ministeriu que xestiona les carreteres estatales.
Iniciativa pol Asturianu solicitó formalmente a l’Autoridá Portuaria de Xixón la incorporación del asturianu na nueva señalización horizontal y vertical del puertu, coincidiendo col procesu de llicitación recién anunciáu pa la renovación d’estos elementos informativos na infraestructura portuaria d’El...
Carlos Barros, ex-direutor de Radio Parpayuela en Mieres esplica como pesllaron la emisora "pola falta sofitu de toles alministraciones", dientro d'una nueva edición del programa Iniciativa pol Asturianu nes ondes, con Samuel Gradín.
Dende’l nacimientu d’Iniciativa pol Asturianu tenémoslo mui claro, la presencia de la organización nes cais ye imprescindible nel trabayu a favor del idioma. Los asturianos viven tovía con munchu desconocimientu la situación llingüística del país. Les aliministraciones encargáronse con muncha eficacia de torga-yos l’accesu a la información sobre la so llingua, sobre la situación que vive y sobre les soluciones. Y en munchos casos encargóse d’introducir prexuicios y falses idees na sociedá.
“La organización pretende facer llegar a los centros educativos, profesoráu d’asturianu, sindicatos, asociaciones de pas y mas y families en xeneral la importancia de caltener y medrar el númberu d’estudiantes d’asturianu”
La entidá recuerda amás que ye un drechu irrenunciable...
Yá puedes siguir les novedaes de l'asociación tamién en Telegram ya Astugram. Si yes usuariu de dalguna de estes dos plataformes puedes tar al tantu de les anuncies diaries tamién nestes dos ferramientes.
Nel casu del Instagram, yá trabayamos cola...