La Vocalía d’Enseñu d’Iniciativa pol Asturianu súmase a les movilizaciones organizaes polos docentes de llingua asturiana pa lluchar contra la desapaición de l’asignatura del sistema educativu. La cabezalera de la vocalía, María Díaz Suárez, participó na xunta de docentes organizada por SUATEA’l martes pasáu, onde se dedició poner en marcha delles acciones.
La entrega octava d’Iniciativa pol Asturinau nes ondes, programa de la organización omónima, inclúi una entrevista na que Francisco Álvarez fala del llibru "Un país llamáu Dixebra", otra con Montse Machicado, de la Estaya de Llingua d'Avilés, falando de la campaña pal cambiu de nome y apellíos al asturianu, y una tercera de Diana Alba de la web del occidente d'Asturies, Qué Femos. Amás, como siempres l’editorial y la clas d’asturianu.
En respuesta a lo dicho estos díes pol Ministeriu de Fomentu dempués de qu'un diputáu d'Izquierda Xunidá ficiera una entruga per escrito al mesmu por petición d'Iniciativa pol Asturianu, la organización denuncia que'l Ministeriu de Fomentu manipula la llexislación al so favor. Si bien l'asturianu nun ye oficial, la toponimia tradicional recuperada y aprobada pol Gobiernu d'Asturies sí que tien esi rangu, y ye d'usu obligáu pa tolos estamentos públicos, incluyíu'l Ministeriu que xestiona les carreteres estatales.
La nuesa propuesta d’entruga al Ministeriu de Fomentu sobre l’usu incorrectu de la toponimia oficial asturiana nes carreteres del Estáu n’Asturies. Que llevó al Senáu Izquierda Xunida, recibió la respuesta negativa de Fomentu. Pal Ministeriu, la falta d’oficialidá del asturianu ye razón pa xustificar que nun usen los nomes de llugar oficializaos. L’argumentu nun tien sentíu nengún y nun ye más qu’una mala escusa ensin base xurídica.
La maestra d'asturianu y Vocal d'Enseñu d'Iniciativa pol Asturianu, María Díaz Suárez, participó na tarde del martes 15 de xineru na xunta de docentes d'asturianu convocada pol sindicatu del enseñu SUATEA por mor del procesu d'aprobación de la LONCE, conocida como Llei Wert, que dexaría al asturianu fuera del sistema educativu.
Hai unos díes recoyimos una denuncia na que s'aseguraba que se taben realizando cambeos na toponimia del Conceyu de Xixón sustituyendo los nomes tradicionales (oficiales dende 2006) por delles formes deturpaes anteriores a esi decretu toponímicu. Ente otros; "Rioseco" por Riosecu, "Fojanes" por Foxanes, "Camino del Froquetón" por Camín del Forquetón.
El Centru Asturianu de Madrid ta acabante anunciar que’l ganador del Premiu Urogallo de Broce, na estaya de llingua asturiana, ye, na convocatoria de 2012, pa Inaciu Galán y González, periodista, escritor y presidente d’Iniciativa pol Asturianu. El premiu reconoz la trayectoria de persones que trabayen a favor del asturianu en distintes estayes y vien entregándose dende l’añu 1986.
Nesti mes de xineru entamen les emisiones d'Iniciativa pol Asturianu nes ondes en Radio Parpayuela, radio más sentida nel conceyu de Mieres y nos de la Montaña Central. La emisión del programa sedrá tolos llunes de 18 a 18:30 hores, nel 94.0 FM. Parapayuela súmase asina a la rede de difusión del programa que quier siguir medrando cada mes pa llegar a más y más asturianos.
Iniciativa pol Asturianu fizo llegar a la Casa Real la so quexa porque la institución nun use l’asturianu xunto al restu de les llingües del Estáu. Un fechu qu’Iniciativa pol Asturianu ve como “una nueva marxinación de la llingua asturiana frente al restu de llingües del Reinu per parte de la Casa Real y el Rei”, como yá denunció la organización va unos meses, al estrenase páxina web de la Casa Real con versión nes llingües oficiales, pero escaeciendo al asturianu.
El diariu El Comercio tien abiertu estes selmanes atrás un interesante alderique alredor del futuru del asturianu, qu’entamaron con un artículu Alfredo Ignacio Álvarez Menéndez y los hermanos Ramón y Vital d’Andrés. La cuestión, el futuru del asturianu, ¿qué queremos los asturianos que pase col idioma de nueso d’equí a unos años?