Iniciativa pol Asturianu celebró esti sábadu en Xixón el so IV Congresu. Nel alcuentru, les y los asociaos fixeron balance y analís d’estos años del trabayu de la organización, del fallíu procesu de la reforma, de la política llingüística del Gobiernu d’Asturies amás del llabor que queda per delantre na reivindicación llingüística. Nesi sen, el másimu muérganu de la organización valió pa recordar iniciatives y proyeutos que se llograron sacar alantre estos años.

Dientro del congresu desendolcóse amás el procesu electoral pa elixir una nueva Xunta Directiva. La llista, encabezada por Iván Llera que renueva nel cargu de la presidencia, ta formada amás por Claudia Elena Menéndez (vicepresidenta), Feli Fernández González (secretaria), Jennifer Berrocal Alcalde (ayalguera), Andrés Fernández Menéndez (vocalía d’Universidá), Xilio González Martínez (vocalía d’Enseñu), Diego García Solís (vocalía de Formación), Blanca Fernández Quintana (vocalía de Cultura), Sara Rato Parrón (vocalía d’Empresariáu), Alma Hidalgo Lucena (vocalía de Mocedá y Voluntariáu), Pilar Riesco Menéndez (vocalía d’Asturies Esterior), Xosé Álvarez Álvarez (vocalía d’Internacional), Lluis Fanjul Quelle (vocalía d’Imaxe), Arantza Margolles Beran (vocalía de Comunicación) ya Inaciu Galán como vocal.

Xunta Directiva Iniciativa pol Asturianu
Parte de la nueva Xunta Directiva d’Iniciativa pol Asturianu 2022-2025.
Procesu electoral nel IV Congresu d’Iniciativa pol Asturianu.