XIXÓN, 25 DE MARZU DE 2020. Dende Iniciativa pol Asturianu queremos agabitar pa consiguir ente toes y toos ser quien parar la pandemia. Los cartelos recueyen les normes xenerales con dellos diseños pa facelos llegar a familiares, collacios y compañeros de trabayu.

Pa ello, dende la organización ufrimos esos cartelos con diferentes diseños n’asturianu pa utilizar en redes sociales o pa emprentar y colgar en llugares públicos como comunidaes de vecinos, tiendes, gasolineres…

Creemos que cuánto más información tengamos ye meyor pa toos y toes y ye necesario tamién ufiertar esa información n’asturianu pa da-yos más visibilidá a eses normes y tamién normalidá al idioma.

Pa Iniciativa pol Asturianu ye importante cumplir eses normes y amás tamos seguros que  vamos llograr xuntos y xuntes parar l’andanciu del coronavirus.

Los cartelos tamién pueden alcontrase nes redes sociales d’Iniciativa pol Asturianu como Instagram (@iniciativaxast), Facebook (Iniciativa pol Asturianu), Twitter (@IniciativaxAst) y na páxina web de la organización.