Iniciativa pol Asturianu confía en que la organización nueva del Gobiernu d’Asturies de tresversalidá a les polítiques de normalización. La organización valora que les competencies de Política Llingüística pasen a depender directamente del presidente, Adrián Barbón, con una viceconseyería específica lliderada por Ana Vanessa Gutiérrez.
La organización de reivindicación llingüística considera qu’esta ye una bona anuncia pola importancia que tien llograr una presencia normal de les llingües d’Asturies en tola acción de gobiernu. L’asturianu y l’eonaviego nun pueden tar presentes esclusivamente nes iniciatives que se plantegaben dende la conseyería correspondiente. Un bon exemplu de la importancia d’esa tresversalidá diose na Conseyería de Sanidá coles campañes nel andanciu del Covid-19. La entidá tamién reclama un apuesta decidida poles nueses llingües frente a la falta d’impulsu de l’anterior llexislatura.
Nos prósimos díes Iniciativa pol Asturianu va ponese en contactu con Ana Vanesa Gutiérrez, nueva viceconseyera de Cultura, Política Llingüística y Deportes, pa treslladá-y diferentes propuestes pa trabayar nestos años, asina como incidir na importancia de cuntar con un nuevu Plan de Normalización Llingüística nesta llexislatura.
