Esperiencies de normalización en marcos llegales desfavorables

El IV Seminariu ‘Oficialidá: el camín constitucional de futuru pal asturianu’ acoyó una mesa redonda baxo’l títulu ‘Esperiencies de normalización en marcos llegales desfavorables’. Nella, cuatro espertos analizaron la situación llegal de delles llingües nos sos respectivos territorios. Álvaro Rosales, de la Universidá de Llión, faló de la situación del asturillionés nel marcu de la comunidá autónoma de Castiella y Llión; Manex Mantxola Urrate, coordinador de Kontseilua, afondo na normalización del euskera en Nafarroa; mientres que’l periodista Ferriol Macip i Bonet, departió sobre l’occitanu como llingua oficial en Cataluña.