Iniciativa pol Asturianu felicita a les Mocedaes Socialistes d'Asturies

Espublizao 23/07/12

Iniciativa pol Asturianu quier felicitar públicamente a les Mocedaes Socialistes d'Asturies tres facese público que van incluyir la defensa de la oficialidá del asturianu ente los sos oxetivos como organización.

Asina, queremos tresmitir el nuestru apoyu a esta midida qu'a la fin entrará en consonancia cola opinión d'una mayoría bien importante de la sociedá asturiana y que vien a sumase a la vindicación d'otres organizaciones polítiques que lleven años demandándola.

Coles mesmes, aprovechamos pa facer un llamamientu a la Federación Socialista Asturiana pa que tomen exemplu y actúen en consecuencia al favor de los derechos llingüísticos ya intereses de los falantes d'asturianu y eonaviegu.

Dende Iniciativa pol Asturianu trabayaremos pa que'l consensu políticu énte la necesaria oficialidá seya cada vegada más ampliu y, poro, tenemos solicitao un conceyu con Unai Díaz Noval -Secretariu Xeneral de Mocedá nuevu- pa tresllada-y les nuestres inquietúes.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.