Esti vienres, 30 de xunu, de magar les 18:30 hores na Casa de Cultura de Santuyano (Bimenes), Víctor Suárez, maestru, divulgador, traductor y cofundador d’Iniciativa pol Asturianu va dar la conferencia ‘Política llingüística y normalización’. L’activista llingüísticu va aldericar sobro los derechos llingüísticos y ferramientes de normalización pa persones falantes d’asturianu.
Suárez va esplicar los derechos de la ciudadanía qu’usa la llingua asturiana y tamién sobre acciones individuales y colectives que fomenten la normalización del idioma.
L’actu, entamáu por Iniciativa pol Asturianu, enmárcase dientro de la Selmana Cultural pola Oficialidá del Asturianu qu’entama’l Conceyu de Bimenes dientro les celebraciones de la Fiesta pola Oficialidá de la Llingua Asturiana.
