Iniciativa pol Asturianu nes ondes entrevista a Ricardo Chao, de l'asociaciones lleonesa Faceira, pa falar de la so actividá. Les asociaciones en defensa de la nuesa llingua en tol dominiu llingüísticu, Faceira, Furmientu y El Teixu editen conxuntamente el cartelu “La nuesa fauna”, que recueye los nomes de quince de los animales más representativos de Lleón y Zamora.
Ufrimos el discursu de Bernardo y Mónica, alumnos de los VI Cursos d'Asturianu en Xixón, qu'echaron el pasáu 25 de marzu nel actu d'entrega de diplomes.
Esta selmana Iniciativa pol Asturianu nes ondes llega a la fastera lleonesa onde vamos falar fonderamente col músicu y artesanu, Fran Allegre. Va cuntanos el trabayu abondu importante que ta faciendo na recuperación del nuesu idioma común neses tierres de Lleón.
Nesti programa númberu nueve d'Iniciativa pol Asturianu nes ondes charramos col músicu Ricardo Saavedra del grupu del occidente asturianu Bacotexo y tuvimos presentes na presentación del llibru “La Chelita-El Salvador 1992” del dibuxante Ruma Barbero que mos faló del mesmu. Amás, Fernando Valle Roso ufrió’l so primer conciertu p’amosar al públicu’l so nuevu trabayu “Camín d’ayures” y el propiu cantante atendiónos al rematar y cuntónos delles cosuques al rodiu esti discu.
Un nuevu programa d'Iniciativa pol Asturianu nes ondes llegar cola presentación del trabayu d’investigación sobre les opiniones de los equipos direutivos de los Centros Públicos d'Educación Primaria d'Asturies al rodiu del «Valir cultural y educativu de la escolarización de la llingua asturiana», ellaboráu pola profesora del departamentu de Ciencies de la Educación de la Universidá d’Uviéu, Isabel Hevia Artime.
Yá ta disponible un programa nuevu d'Iniciativa pol Asturianu nes ondes. Nesta ocasión el programa entama col editorial del Presidente de l'Asociación, Inaciu Galán, onde fala del entamu del movimientu de reivindicación llinguística modernu, que cumplió esti mes de payares cuarenta años.
Iniciativa pol Asturianu ta presente un añu más na Universidá Asturiana de Branu (UABRA) en Cangas del Narcea. Una actividá entamada pola Academia de Llingua Asturiana, la Universidá d’Uviéu y el Conceyu de Cangas.
Los díes 23 y 24 de xunu Iniciativa pol Asturianu va participar nun alcuentru européu dedicáu a compartir actividaes entamaes por entidaes en defensa y promoción de llingües europees amenzaes. Sedrá nuna alcuentru que se fai dientro de los actos de Donostia, capital europea de la cultura 2016 y va axuntar a decenes d’entidaes de toa Europa n’Hernani embaxo’l nome "Hitzargiak-Llingües que s’allumen unes a otres".
Iniciativa pol Asturianu sigue faciendo por meyorar la so comunicación y coincidiendo colos seis meses del entamu de la so actividá pon en marcha una nueva iniciativa, un programa radiofónicu mensual que va dar anuncia de les actividaes de la organización. El programa llámase Iniciativa pol Asturianu nes ondes y ta dirixíu por Samuel Gradín, llocutor con llargos años d’esperiencia en medios como La Voz de Galicia o la RPA. A lo llargo de los alredor de sesenta minutos que va durar la emisión va haber tiempu pa conocer les noticies del movimientu de reivindicación llingüística, entrevistes, música y hasta un pequeñu espaciu pa deprender asturianu.
Nel programa d'esta selmana d'Iniciativa pol Asturianu nes ondes, Samuel Gradín fala con Vérval, del grupu Xera, que va celebrar un conciertu nel Teatru Campoamor d'Uviéu y col presidente de la organización Inaciu Galán, de cuestiones varies d'actualidá.